Hi tluk kanram thil sining chiat lio le lung rethei-vansang au in kan um lo ah hi bantuk thawngpang vun theih ttthan cu lung a nuam hrim lo. Atu ning tein cun kan himnak caah tiin kan kan fuh panhnak zong kan caah ral an si kho timi ruah lo awk a ttha lo.

“Mizoram, Lawngtlai nih Myanmar Ralzam Cohlan Ding timi a Let! Lawngtlai nih Myanmar lei a rak zaammi ralzam zohkhenh dingmi biachahnak a let/cancel tthan. March 6 ah Myanmar ralzam pawl tha tein kan cohlan hna lai tiah thawng an thanh nain India cozah nih Myanmar ralzam cohlan lo ding in nawl a pek hna ca ah an let tthan hi a si.” Credit: The Chin Journal

Relchih: Social punishment hi ram thanchonak a dawntu ram a hrawktu “corruption” dohnak hriamnam a si bantuk in Tulio caan ah “social punishment” kemh chih zong hi a biapi ko. Ram le miphun caah ka ttuan ve lai tiah aa pumpe balmi vialte tulio bantuk caan ah daite in a um i, aa thupmi vialte kha rak iching chiah hna ulaw, Federal Democracy kan hmuh tuk zong ah ithup thai te hna seh!

Tulio bantuk caan ah Mipi lei ttang loin Ralkap, terrorist lei a ttangmi hruaitu paoh kha, rak iching chiah u! An techin fapar chan tiang miphun zuartu ah chiah leng awk an si lai. Abik in Ralkap Terrorist lei a ttangmi paoh hi, mi zei an si fiang deuh in Mipi nih kan theih khawhnak hnga, phozar ko hna u! Cu lo ahcun hmailei ah tthutdan tthatha, ram dawtu savo kha anmah nih an tingco sual lai.

Chap: CDM a tuahmi lak ah a thli tein um in CDM upa hna an khuakhanmi le an thil tuahmi thli tein police le Ralkap sinah report a tuahmi spy an um lengmang. Mahbantuk minung hrim kha zoh sawhsawh awk an ttha lo. Laimi/ Chinmi hrimhrim nih Ralkap caah spy ttuan le miphun hawi fahnak pek kha ithim ding a si lo. By Zasang Cinzah