Kawlram Fooball Team 2 & DASSK pahnih 2. Kawlram football nih vawlei pi a khuh lai timi Motto: Kawlram mi nih Pumpuluk chuih thazang an pek tikah Sualnak, ṭhat lo nak le tukvelhnak tuah kha an khing arit lo tuk. Kanmah team ansung ahcun mi kanvuak hna lai timi lungput anngei. Cuve bantukin ICJ ah Pi Ci lei ṭanh tu hna nih Nuhrin covo buar le buarlo le Genocide si le silo Kan zei a puai loh. Aherh ahcun mithat hmanh Kan ngam ti tluk tiangin lungput le thinlung an ngei caah vawlei pi nih Kawlram ah Football team Phu hnih an um cang anti phah.

DASSK zong 2 an um. 2015 hlan Pi Ci le 2015 hnu Pi CI tiah minung pahnin in an um cang “YangLee-UN Nurhin covo Lutlai” 2015 hlan ah DASSK cu Nurhin covo Innkil lung asi. 2015 tiang cu DASSK le Tlangcung mi cu hawikom ṭha tak tak kan rak si. Federal Democracy ram sersiam nak, Panglong Biahren tlinter nak ah Nuhrin covo le Genocide kong ah Ramkhel le Ralkap & Hru Hru Hrang Hrang uknak dohdalh ṭi nak ah Ti le Nga bang in a ṭhen khawh lo mi Hoikawm ṭha bak kan rak si hna.

2015 Cozah a hung tlaih bakin Ralkap hoikawm ah aacang I Tlangcung mi le Nuhrin covo hnuchit tu ah aachuak ai. Cucaah DASSK dang pakhat ahung um ṭhan tiah an ti phah nak asi. ICJ ah a bia chimhmi nih Vawlei pi le Tlangcung mi caah ṭihnung hruaitu ah aaser siam diam. Harsatnak phun phun le nuhrin covo phuntling in buartu Ralkap tu kha an duhnak azulh hna I Hawikom ah aa ser hna. Tlangcung mi hna Intuar nak kha hnu achit diam ko. Cucaah Hlanlio tlukin Tlangcung mi hna nih an I bochan ngam tilo. Kawlram mipi le vawlei hip khawh mi DASSK lawng aum fawn tiah Kawlram fans pawl nih an zumh fawn.

Tlangcung mi hna bantukin a lung rawk bik ve mi cu Nuhrin covo ralhau phu asimi Fortify Rights ansi. Rohingya konglam lawng siloin Tlangcung mihna sinah Kawl cozah “Hlan lio+Tulio” nih nuhrin covo abuar mi liangluang hi ka dinfel ko tiah an ti mi nih an lung a dongh ter tuk ngamsam hna. Noble PEACE PRIZE ahmuhco tu hna nih kilven zohkhen ding mi Genocide le Nurhin covo asi. Cu ti siloin Lettalam in varal lei tu ah ankan pelh tak diam I a ṭanh tik ah Kawlram ah Justice aum khawh ti lai lo. Rule of Laws zong aum khawh ti lai lo. Kawlram dindai nak hmuhco cu ahar tuk cang lai. Nunchung dindai nak hmuh khawh dawh ansi tilo. Zeitintiah Justice timi Taza- hmia-ṭa-hmuh umlo nak ah Dainak aum khawh lo.

ICJ ah Kawlram biachimh mi nih Justice kha a hrawh cang. Rohingya kong a hnawl ahkhan Tlangcung mi hna zong hnawl chih asi ve cang. Judah mi thah an timh hna ah SPH nu Esther aluat lo bantuk kha asi cang. Fortify Rights timi Nuhrin covo hauhraung phu nih kan ngawl ve lailo. Kan ngeicia mi tehte hna hmang in Tlangcung mi hna sin ah tuksapur tiang in Nuhrin covo an buar nak le Genocide timhlam nak an ngeih mi vialte kan chuah pi dih ṭhan lai. Hmailei zong ah Tlangcung mi hna he kutsih in Nuhrin covo le Genocide kong ah biatak tein ka cawlhcang ṭhan lai tiah Fortify Rights nih an chimh phuan cang.

Ruahlen awk: Tlangcung miphun zong nih Ramdang “ICJ le Justice lei in ṭanhtu hna” he hoikawm serh in Ramkhel kong ah siseh, Rampi dindeih nak ah siseh, Federal Democracy caah siseh mah tein cawlcaan kan phan cang. Kanram zalonnak, Biaknak zalon nak, Kan nun phung zalon nak, Kan caholh zalon nak, kanram fimthiam ngandam nak caah le Kanram ṭhancho nak caah mah tein zubui khur cawh cio kan herh cang. Bochan awk ah kan hawikawm ṭha hna zong nih hnu an kan chit I Fikistin mi phun ah an ṭanh cang.

Cakei ṭih ruang ah Bochan ngai mi le Ngakchan ngai mi cu Cakei nakin a zual deuh cang cu tah. Mah tein cawlcnag lo ahcun hi vialte hell ram in I hlihphuah khawh asi ve tilo. Chin Miphun hna nih Miphun party le Miphun biak nak. Miphun Caholh nunphung kha sunsak le Paput langcuai can kan phan ve cang. Bawmhtu ah UN Nuhrin covo Ralhau bu, Ramdang Justice lei kap ummi hna le mifim thilti kho hna kan ngei ko hna. Natha chia hrim hla. Lungkam lo in Kamlo Chuntha bang dirh ve cang sih law! Chinram le Chin Miphun daw vetu. Nan Unaupa. Kawlrawn in. Credit: Saya Rung Kaw