Kawlram dirhmun hi ttihnung ngai asi cang: General Min A. Hliang biachimmi zoh tikah, a biachim a neem nain tutan uknak an laakmi cu a pelte hmanh let tthan an i tim lo, timi a fiang. A biachim kal-umning zoh tikah uknak laak (coup) an tuahmi cu: ram pumpi tthatnak caah tuah a herhmi le thil dik bak ah a chiah.

Kawlram cu kir tthan awk a ttha ti lomi (point of no return) dirhmun asi cang ko, ti khawh asi. Ttihnung ngai dirhmun asi cang. Ralkap/palik nih sandah piah mipi cungah, tukdennak (voilence) faak a chuahnak dingah a paarzik a phan cang. Thil ttihnung a chuah lonak hnga, thlacam cio ding kan si. Credit: Van N Elizabeth

Relchih: Political party leaders, MP aa cuhmi tbk vialte Khawika ahdah nan i thup dih. NLD leaders, ASSK le Leaders dang a dang an tlaih lio hna ah NLD chung in MP or ministers a si ve ko mi tlaih lomi dirhmun ah um zong hi ningzah awk thil ah ka ruah e! Political party cu Democracy system ah a kheumi a si bantuk in Democracy pi a thih ahcun nan dirhmi political party vialte zong kha an thi dih ve timi nan theih cio ko ttung?

Ziah nan political party aa semmnak Democracy restore/ ser tthannak ah nan cawl ve lai lo maw? Midang nih chanchuah ko sehlaw a tthat hnu ah political party tu kan dirh tthan te lai tbk indah nan ruah? Pasal a simi nihcun midang lo-vah cia ah fa cang tuh ithawh ding a si lai lo. Thantlang Hakha Falam Mino tampi cu lampi ah an chuak. Hruaitu a ngeilomi bantuk in anmah vai in an vai. A thi cuahmahmi Democracy chanhchuah dingin an au.

Politicians tiah MP aa cuhmi vialte hna, a thi cuahmahmi Democracy chanchuahnak ahhin nan itel cio hna lai lo maw? Mino thazaang peknak le thlacam piaknak tal in nan muihmai nan langhter ngam lo maw? Note: ka ruahmi bantuk in a ruat ve lomi tampi nan Um ko lai nain hi vial hi ka zai nak siseh! By Zasang Cinzah