Kawlram chung ah COVID-19 case 1 (pakhatnak) pa hi Chinmi a si tiah Myanmar cozah nih thawng an rak thanh. Nain a tu sining ahcun mah Chin pa nih hin pakhat hmanh a chonh hna loh ti hi a fiang ngai cang. Chinpa hi zawtnak a ngeih hnu ah theih mi si rih chinchap. Quarantine in chiahhnu ah Virus hmuh mi sisehlaw a chonh manh hna loh ti awktha. A nih hi mitampi he an kut an i tlai ti zong cu a fiang bak fawn rih.

Fian a har mi biahalnak um mi cu; 1. Hi Chin pa hi zawtnak a rak ngeih taktak hnga maw? 2. Chin pa nih zawtnak ngei taktak sehlaw chonh a foibik mi zawtnak si na lak ah ziah ahohmanh a chonh hna lo? (Chonh hna seh ti duhnak si lo). 3. Myanmar cozah nih an check mi result hi a palh sual si hnga maw?

4. Myanmar (kawl) cozah nih Chin mi a kan tuah hramhram hna si hnga maw?(Cozah pakhat simi nih Chinmi zong cu tuah hram ding cu si lo nain). Chinpa nih hin COVID-19 zawtnak hi a rak ngei loh tihi ka zumh cang.  Zeitin nan ruah cio?Credit: Vantha Biklian

Thawngdang rak rel chih:India Zong Ah Coronavirus A Ngeimi Le A Thimi An Karh Chin Lengmang Ko. Ministry joint secretary Lav Agarwal chimning in India ramchung ah hi coronavirus a ngei tharmi hi minung 472 bak an i chap. Hi zawtnak a thihpi cangmi hi an dihlak in theih khawhtawk ah minung 79 an tling cang. Coronavirus a ngeimi dihlak hi a tu tiang ah minung 3,374 bak an si manh cang ti a si.

A chim chih rihmi cu hi zawtnak a ngeimi minung 3,374 chung ah hin minung 267 hna cu an dam tthan cang. Hi zawtnak i chawnhning hi a zuan in a zuangmi a si bak ko tiah tehte a um lem lo tiah ICMR official hna nih an chim. An chim chih rihmi cu hi i chawnhning kong an chim cio ning hi an i lo cio lo. Pakhat nih ruahnak dang a chim lai i a dang pakhat nih a doh ve ko lai. Cu caah a kapkip in a cuai kan thlai thiam a herh tiah an chim.

Hi zawtnak kong he pehtlai in ram hruaitu lutlai hna le ngandamnak lei lutlai vialte hna zong hmunkhat ah khuakhan lairel ttinak tuchun Pathianni ah khan ngeih a si. An ton cia cio ning i chimhruah hnu ah a donghnak bik ah an chimmi cu hi zawtnak hi zaangfahnak le thlachiatruahnak a pelte hmanh a ngeimi a si lo. Cu caah hmailei zong ah kan i ralrin peng rih a hau ko tiah Agarwal nih a chim. Ref: Times of India