Tukum Myanmar rampi thimnak zong ralkap lei aw-an ngaih tikah thinphang dailo taktak si cang. Atu an lungput le chim ning tein an kalpi taktak ko ahcun “aa-naa ting “zong a fawi te cang. A ruang cu Election ah NLD nih teinak an ngah hnu in Tatmataw nih election mee thlakmi a dik lomi tampi a um tiah an rak doh colh. Hi hin ah ralkap ih a tanglei bantukin an lungput an langhter cang.

“Tatmataw ralkap an lungput tihnung chin lengmang, “aa-naa kan ting lai lo tiah chim khawh a si lo” tiin tuni ah an chim. Kan ram caah thinphang ngai a si. Election ah NLD teinak an ngah hnu in Tatmataw nih election mee thlakmi a dik lomi tampi a um tiah tu le tu an phuan. Election result an cohlang kho lo. Atu ning in cun kan ram a buai than khomi dirhmun ah a um. Salai Lungthli Tum

Relchih: Senate Nih Donald Trump Tazacuai Hram An Thawk! President Donald Trump cu Senate ah tazacuai ding in House Democrats nih impeachment an tuahnak The Article of Impeachment for Incitement of Insurrection cu impeachment a tuahtu, House democrats hna aiawhtu, Managers hna nih tu zanlei ah Senate ah an rak chuahpi. US phunghrampi ning ahcun Senate nih President taza an cuai ahcun US Supreme Court Chief Justice hruainak in tuah phung a si. Asinain President Donald Trump cu a term zong a dih cang I, President sinak in a ngol cang caah Supreme Court Chief justice John Robert hruainak si loin Senate President Pro Tempore Senator Patrick Leahy hruainak in tuah a si lai.

Tazacuaitu Democrats aiawhtu hna nih President Trump nih Capitol Hill ah buainak chuakpi nak kong tette an ngeihmi vialte cu Senate ah an phuan lai. Mah hnu ah Trump sihni hna nih an a sual lonak an chim ve lai. Mah hnu ah Senate ah debate an tuah te lai I, Senate minung 100 nih President Trump a sual le sual lo cu bia an chah lai. Senator minung 100 chungah cheu thum cheu hnih vote nak lawng in a sual tiah dantatnak pek khawh a si.

Senate ah Democrat le Republican cu vote 50 veve an ngei. Senate i cheu thum cheu hnih vote lawng in Trump cu sual dantatnak pek khawh a si. Republican minung 17 nih democrats lei I an ttan lawngah President Donald Trump cu sual dantatnak an pek kawh lai. Thong thlak cu a um lai lo, asinain President hlun hna nih an co dingmi benefit vialte cu chuh dih a si lai. Cun hmailei President thimnak ah cuhnak nawl an pe ti lai lo. Asinain Democrats tazacuai mi hi an hlawhtlin lai zumh a um lo. Salai Lairamthang