Kawlram lemcang thiam minthang pakhat asimi Thet Mon Myint cu naite ah Esther Dawt Chin Sung thazaang a pek ruangah Kawl pawl cheukhat nih fak ngaiin an soisel. Zeitindah an soisel ti ah cun Thet Mon Myint hi Chin miphun asi ruangah Chinmi Esther Dawt Chin Sung thazaang a peknak hi asi. Miphun ttanhnak lungput he a kal taktak ko ahcun amah Thet Mon Myint zong thazaang kan pe ti lai lo, cun Esther Dawt Chin Sung zong thazaang kan pe ti lai lo tiah bia an rak chim. Cu kong he pehtlaihin Thet Mon Myint nih Mynamar Celebrity Channels pawl nih hmaitonh in biaruahnak an ngaihnak ah ngaithiam halnak le hrilhfiahnak a rak tuah tthan ve.

Myanmar Idol Season 4 Top 8 Country hla zuamnak a dih hnuah Thet Mon Myint nih cun a facebook timeline ah Esther Dawt Chin Sung a duhnak le a uarnak, thazaang a peknak cabia a ttial i a post. Cuti a timi cu caan tlawmpal te hmanh ah mi taktak nih an soisel i cu konghe pehtlaihin cun hrilh fiahnak a rak tuah tthan cang.

 

Thet Mon Myint nih cun hitihin hrilhfiahnak a vun tuah tthan. ” Nan ka theihthiam cang ko lai tiah ka ruah caah cuti piin hrilhfiah tuk cu aherh lem in ka thei lo. Myanmar Idol hi ka zoh ve lengmang i an thiam in an tthangcho tuk ka ti ruangah ka lunglawmhnak bia kan ttialmi asi.

“Mi lung fahter dingin ka ttialmi cu asilo. Minthang pakhat ka si ve bantukin biachim holhrel ka sum ve lai i ka ralring ve cang lai. Facebook ah ka ttialmi le ka chim sualmi um cun ka ngaithiam uh Mi lung fahter ka tim lo. Esther Dawt Chin Sung hi Chin miphun asinak in ka ttanhmi le tthazang ka pekmi asi lo. Ka uar tuk ve ruangah asi. Miphun base he aa pehtlaih lo. Keimah nih ka hmuhning le ka ruahning tein ka tanh ve i thazaang ka pek vemi asi ko tiah Myanmar Celebrity nih biahalnak an tuahnak ah hrilhfiahnak a tuah. Video zoh khawh asi.