Chinmi Hna Chungah Kawl Thluak A Theithiam Lomi Kan Tam Ngai Ko Rua. Kum 2019 Myanmar Idol Season-4 Winner dingah an zumh bik mi hna pahnih Esther le Aye Mya Phyu hi zei ruangah dah Bottom-3 ah voi-2 veve an ṭhutter cang timi hi a theithiam lomi hna caah cun khuaruahhar ngai a si i, a theithiam mi hna ca tu ah cun khuaruahhar a si lem lo.

Myanmar Idol hi sumdawnnak pakhat bantuk ah an hman mi a si ti hi TAN KHUN KYAW kha tluk i a thiam mi an tlak ter lio in khan a fiang tuk mi a si cang. Cu asi caah cun Mipi lei nih kan theih peng ding mi cu Bottom-3 ah voi-1 hmanh a ṭhu rih lomi zong a donghnak result ah cun Winner ngah lo khawh a si ko i, Bottom-3 ah a ṭhu lengmang mi zong a donghnak result ah cun Winner a ngah kho mi a si ko ti hi kan theih peng ding asi.

Bottom-3 ah voi-1 hmanh ṭhut rih lo ruangah a fans pawl nih hnangam tuk ding le biachim i thlahdah tuk ding zong a si lo i, Bottom-3 ah a ṭhu lengmang mi ca tu ah cun a fans pawl nih ṭan rak lâk deuh a hau ve ti hi thei ciau hna usih law Chinmi hna chungin pakhat tal nih Winner an ngah khawh nak dingah kan umnak hmun ciau in ṭan rak la ciau hna u sih. Thangtea Hnialum

Relchih. Mah hi a ding pengmi na si ahcun na ngol cang ah ttha. Keimah le Monster & Red Bull: Keimah pumpaak (personal) in ka rak tonmi le tuar-inmi chungin ka vun ttialmi asi. Red Bull le Monster energy a dingmi poah nihcun rel khawh izuam hraam u. Ka sia nan herh ngaingai.

U.S. ka phaakka hrawngah ka rak duh bikmi le ka din cemmi cu monster le red bull an si. Abikin, monster hi ka rak duh taktakmi asi. Rawl zong ei tthi ttha loin nikhat ah dur hnih/thum hna din ka rak hmang. Cu ti cun aa ka leem (addict) chin lengmang ii, a kumkum bak in ka rak ding. Voikhat cu khua ka ruat ii, red bull le monster cu ngandamnak caah a ttha lo; ngol ko ning ka ti ii, ka ngol-stop.

Asinain, monster din kha duhsah, duhsah tein rak ngol loin hmakhat lo ah ka rak ngol tikah ka taksapum (body) nih adjust a tuah kho ti lo ii, side effect a vun theih colh. Monster dur (can) pakhat ahkhin caffeine 160mg hrawng a um. Ka takpum ah caffeine dat a vun um lo tikah thil sawhsawh te zongah fawi tein anxious in a vun ka chiah colh.

Fawi tukin lungtur a ran ter ii, nervous system kha ningcang tein rian a ttuan (function) ter kho lo. Cutik ah, a herh lomi ah fawi tuk in anxious le nervous te hna a chuah ter. Thawhchuah ning (breathing) lei zong a vun har ter. Hi pawl side effect/symptom ka theih khawhnak cu, biatak tein online ah research ka tuah, cauk ttha pawl kaa cawk hna ka relnak in asi.

Cu ti cun a kumkum bakin monster luan tukin ka rak din ruangah zapi hmuh lem loin chung lei takpum in: a kumkum bakin ka rak tuar-ing ve. Monster din tuk ruangah a chuah pimi side effect vialte, ttha tein ka vun tei (overcome) khawh dih cikceknak hi a sau tuk rih lo. A donghnak ah, red bull le monster a dingmi nihcun keimah rak din bantuk lawmmaam cun ding bak hlah u. Din luan deuh ahcun ngandamnak caah a rak ttha bak lo. Keimah hmanh kha ka rak theih lo caah asi. Salai Van D Ceu