Kawl Ralkap Sining Cu A Fiang Cang Ko Hih

Myanmar News

Kawl Ralkap hi kan ttih tluk in an rak thawng lo. Tulio bantuk caan ahhin an der khun. Kawlram Mipi dihlak kan von cawl ahcun an lau taktak. Cun tulio bantuk mass demonstration ahhin Hriamtlai pawl nih caan ttha an lak sual lai timi zong an ttih taktak lai.

Image result for myanmar army

Biatak tein civil war chuak sehlaw anmah Ralkap chung lila Battalions/Military units tampi cu an meithal her in Mipi lei an ttang kho timi zong an ttih rih fawn lai. Cucaah Min Aung Hlaing hi atu aa hngilh kho ti lai lo. Tulio caan hi Kawlram pi aa thleng thainak ding caah “golden chance” a si tiah ka ruah.

Cucaah si kho sehlaw tiah ka saduhthah cu Hriamtlai dihlak CNF/A KNU KIA tbks vialte hmun khat ah ifun kho vial dih hna sehlaw mipi hnulei ah ready in dirh cang hna sehlaw Cutin an ifun khawh ahcun Libya 🇱🇾 ram ah sandahpiah pawl nih Muammar Gaddafi cu zu kua chung tlaih in an va tlaih bantuk in Min Aung Hliang zong hi aa thuhnak kua chung ah zu tlaih in va tlaih khawh lio caan a si tiah ka ruah.

Cucaah thachiat ding a si lo. Naite bachim ah a von lang ahkhan a mit kua a tla viar cang si khaw raltha tein kan fight chin thluahmah ko ahcun kan tei hrim lai. Cattialtu: By Zasang Cinzah

Relchih: Min Aung Hlaing a lung re thei ruangmang cang ko. Ralkap nih uknak (Aa-na) an ting hnu in ramchung ah nikhat hnu in buainak a zual chin lengmang. A ruang cu ralkap nih uknak an lakmi hi mipi nih duh cio a si o, cu tikah mipi nih ralkap uknak kan duh lo tiin ralkap nih uknak an lak ni thawk in nihinni tiangah dongcat loin duhlonak langhter peng a si pinah nikhat hnu nikhat in duhlonak langhtertu an karh chin lengmang.

Kan theih bantukin ralkap nih uknak (aa-na) an tingmi kongah mipi lawng hmanh si loin cozah rianttuantu hna zong nih Civil Disobedience Movement (CDM) dirpi in le mipi he ttang kawp in ralkap rianttuannak cu doh cio a si tikah atu ahcun uknak latu “Min Aung Hlaing” zong a lung re thei in sawmnak a tuah ruangmang cang.

Min Aung Hlaing nih rianttuantu sinah sawmnak a tuah mi: “CDM ah aa telmi cozah riantuantu vialte rak kir cang u, rian rak tuan than cang u law tiah uknak firtu Min Aung Hlaing nih zaangfah a nawl cang hna. CDM hmual a ngeih ning result a chuak colh tinak a si.”

Leave a Reply