Myanmar ram Cozah Ralkap le AA hriamtlai hna ikahdohnak ah khuami Minung 5 nih AA hriamtlai an bawmh hna, pehtlaihnak an ngei tiah Rakhine miphun sualnak ngei lo khuami Minung 5 hna he Pehtlai in Kawl Ralkap Minung 3 tazacuai an si. Hlathlainak an tuah chuahmah lio hna a si tiah Kan theih. Khuami sualnak ngei lo an tlaihmi hna an tlawm ti lo. 2020 chung lawngah Minung 100 deng hrawng an si cang.

Myanmar ram Cozah Ralkap Minung 3 hlathlainak an tuahmi hna cu, Ralbawi Minung 2 le an kuttang ah a ummi Ralkap pakhat an si. An 3 in August thla Ni 5 ah biaceih zung ah tonṭhan ding an si tiah kan theih. Cozah Ralkap nih Minung 5 lawng an tlaihmi hna a si lo. April thla 16 ah sualnak ngei lo Khuami Minung 38 zong an rak tlaih cang hna.

Cucaah atu bantukin an khuami an tlaihmi hna an hrem hna timi cu Cozah Ralkap nih ṭuanvo an lak lai. Hi ṭuanvo an lakdingmi he sualnak a ngeimi cu Ralkap in dinhter maw asiloah dantat tibantuk pek an si lai tiah Cozah Ralkap chimphuannak nawl a ngeitu nih RFA ah a chim.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih J Vanduhthar Lahnin ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin