Salai Lungthli Tum: AA nih Paletwa peng cu Rakhine ram a si an ti i chuh an kan timh. Facang phormi motor hmanh fawi tein an luhter duh ti lo, meithal in an kah. Phone tower an phih i a phunphun in Chinmi harnak an pek hna. CNF telh in zeibantuk Chin mibu hmanh nih AA cu kan thawl ngam hna lo, thawl khawhnak thazaang zong kan ngei rih lo.

Nain, Myanmar ralkap Tatmadaw nih thih ngamh in Chinmi vialte kan ral AA an doh hna. Tampi an nunnak an pek beh. Raltuk a si caah Chin mipi thihlohnak zong a um. Tatmadaw nih Paletwa peng ah AA doh hna hlah sehlaw Paletwa cu AA an headquarters ah ai chuah te ding a si. Tatmadaw cu kan huat cio ko, an sualnak chim cawk lo a si. Nain, kan Chinram caah nunnak pek in kan ral an kan doh piakmi hi cu lunglawmhbia kan chim duh lo hmanh ah kan lung tal a fian ve a hau ka ti.

Comment cheukhat: Salai Bik: Khua lai i boom an thlak mi kha teh na philh maw? An thlak mi boom nih khan teh AA maw a thah hna sual nak nei lo mi Chin mi dah?

Salai Lungthli Tum: Salai Bik , AA um hna hlah sehlaw ralkap nih bomb an thlak lai lo.

Salai Bik: An um lo bu cun hme an thlak fam cu. An thlak nak khua ah khan AA an um lo bang AA a ho hmanh an thi fawn lo mah boom an thlak mi ruang ah.

Salai Lungthli Tum: Paletwa peng ah AA an um ruang ah an thlakmi a si. An thlaknak hmun ah AA an um le um lo cu theih khawh si lo, an tinhmi an khen lo zong a si kho. AA bantuk ral um lonak Hakha ah ralkap nih bomb an thla hraw lo.

Zasang Cinzah: Na “Argument” tlawmpal cu “revise” na tuah a tha ko lai. AA pawl hi Chin ram in Kawlralkap nih an thawl khawh hna ahcun, Chin miphun caah a tha” tiah benefit tiang hi cu a dik ngai. Nain “Chin miphun caah Kawl Ralkap nih nunnak an thap” Kan ral an kan doh piak tbk lei argument cu a hleivuan tuk cang. A dik ti lo. Kawl ralkap nih AA an doh cu Chin miphun dawt ruang siloin, Union of , rampi an humhimnak a si.

Note: Comment cheukhat kan khawmhmi zei dang thil ruangah si loin abiapi ngaimi a si tiah kan rak charmi a si. Careltu nih a relcia nan thiamnak lai kan in nawlpat duh hna. Comment petu pumpak in huatnak pakhat hmanh a um lo. Asinain comment petu pumpak nih a kan hnursuan ko tiah nan ruah ah cun hloh khawh a si. Cun Careltu nih ruah hmanlo (negative mind) in nan kan ruahpiak lonak lai kan in nawl duh chih fawn hna.