Hihi zeiruangah dah a si hnga? Mipi lung a buaiter ngaingai cang hih! Kawl ralkap luttlai Senior General Min Aung Hlaing Chin khualipi Hakha ah a phan ti thawng kan theih. Asinain zeiruangahdah a phak timi Media lei nih theih kahwh le hlathlai khawh a si lo.

Cucu zeidah a si tiah cun Kawl ralkap luttlai Senior General Min Aung Hlaing Chin khualipi Hakha ah a phan ah hin Hakha Town Hall ah mizapi tonnak a ngeih hna nain cu media nih thawngpang zeihmanh an la kho lo. Media luh an kham hna ti kan theih. Zeiruangah dah Hakha ah hin a tlun timi Media luh an sianh lo ruangah mipi nih theih khawh le hlathlai khawh a si lo.

Democratic Voice of Chin-DVC nih hitihin a tarlangh ve: Myanmar ram Cozah Ralkap Lutlai Senior General Min Aung Hlaing Hakha khua a phan. Media luhnak nawl pek a si lo ca ah, Hakha a tlunnak kong he pehtlai in thawngpang hlathlai khawh le laak khawh a si lo. March 11, Hakha Town Hall ah mizapi tonnak a ngei lai i, cuka hmun zong ah Media luhnak nawl pek thiam a si lai lo, tiah kan theih. Credit: Democratic Voice of Chin-DVC

Thawngpang rak rel chih: NLD nih 2020 election lai thengah 2008 phunghram kan remh lai tiah hlutdaw ah an chuah pinak a ruang hna. 1nk. Mah phunghram hi kan remh kho bal lai lo ti an theih dih cia mi si ko bu in NLD nih an chuahpi hrammi si. 2nk. Election lai thengah an chuahpi nak a ruang cu NLD zuamcawh kho tu USDP kha kawl mipi nih hua in vote pe hna hlah seh timi ruahchannak he.3nk. Zei tuaktan huaha lo tlangcung miphun vote zeimawzat tal hui kho usih tiah tlangcung miphun lunglaknak ah 2008 phunghram hi kan remh kho bal lai lo ti an theih bu in an chuahpi hrammi si.

Cucaah 2020 thim tikah ahcun NLD + USDP nih Cozah an ser kho lai lo.Coalition ( parties) fonh Cozah ser a site lai. A ruang cu kum nga chungah kawlram mipi nih NLD an rak zumhnak kha hnarcheu tluk a zor manh. Tlangcung hriamtlai bu tuahmi NCA zong khi thlitu men asi te ko lai.Kanram dirhmun zoh tikah kawl ralkap nih nawlngeihnak thlah an itim lo hrimhrim ti afiang. A zei si hmanhah Coalition Cozah si zong le USDP maw NLD nih a kungpi cozah an tlaih te ko lai caah ralkap he fonh in Kawl + Kawl=Kawl 2 an si thiam ko tikah an zei va poi tuk lem lai lo.Tlangcung mipi hnangamnak ah kawl ralkap an heu huah kheuh pah hna lai i mah vial cu si ko rih lai. Credit: ‎Anna Tha Chin‎