Kawl Ralkap Le AA An I Kap Tthan, Khuachung Mi Lung Rethei Vansang In An Um

World News

Kawl Ralkap Le AA An I Kap Tthan, Khuachung Mi Lung Rethei Vansang In An Um

Image result for Ara Kan Army

Kawl ralkap le AA kahdohnak ruangah minung 180 hrawng khua ah an i tap hna. Kawl ralkap le Rakhine AA karlak kahdohnak ruangah Myah Oo myone ah a ummi Sarpong khuate mi minung 180 hrawng hna cu khua chungah an i tap timi hi Rakhine tlangcungmi miphun phu an secretary U Zaw Zaw Tun nih a chim.

Cheihchaung khuate le Sarpong khuate pawng hna ah March 8 thok in nizan tiang kahdohnak a chuak i aa tapmi sarchuang khua ah inn 50 hrawng ans i tiah kan theih. “Kahdoh a chuahnak area cu an khua le khua dang karlak ah a si. Khua dang ah i thial awkah humhimnak a um lo caah an kal ngam lo.

Image result for Ara Kan Army

khua chung tu ah an i tap hna” tiah U Zaw Zaw Tun nih a hngalh tawk a vun chim. Atu hi kahdohnak thawng cu kan theih ti lo i Cheihchaung khuate le a pawngkam khua in khuami thongkhat hrawng hna cu an umnak kaltak in an zam hna tiah khuami hna sin in kan theih. Kahdohnak thawng cu lawlawse kan thei ti lo.

Thil sining kan zoh lai i umkal khawh ding a si ahcun ngakchia le nu pawl le tar pawl hna kha hinak in a him deuhnak hmun ah kan chiah hna lai tiah an chim ka theih” taih U Zaw Zaw Tun nih March ni 9 zanlei suimilam 5 hrawngah a chim.

Leave a Reply