KAWL RALKAP THINPHAN BIA: Kawl ralkap an thinphan bia maw si or an hmai phiahnak men ah dek si. Kum 2017 lio i ning cang lo tuk i Rohingya-Bengali pawl a hremtu hna tiah puhmi ralkap pawl cu Kawl Ralkap Biaceihnak “Myanmar military court” ah an kong ceihpiak kan thawk cang hna lai tiah thih lai ek ceh phun in zapi sin ah thawng an thanh ve phot ko.

Gambia ram nih International Court of Justice “ICJ” i sual phawtnak an van chuahpi ruang ah si hnga maw cu ti phu te a si. ICJ i sual puhnak chuahpi mi hi December 7-10 ah khin Pi Suu Kyi nih Netherland ram Hague khua i ICJ biaceih zung ah va chimfian a timh. A sihni “attorney” le upa dang zong nih zulh an timh.

Zei ngai ngai a va can lo hmanh ah Kawl ralkap pawl an i ralrin deuh nak tal cu a si ṭheu lai tiah zumh a si. Pi Suu Kyi le Myanmar rampi caah Yangon ummi Khtihfa pawl nih rawl-ulh in thlacampiak nak ngeih an i tim i vice-president Pu Henry Ban Thio nupi Dr. Anna Sui Hluan nih rawl-ulh thlacamnak ah i tel cio ding in sawmnak a tuahmi hmuh a si. Ref: TCV

 

Relchih: Kan ram pi cu atu ah ICJ nih taza a cuai lai ti thawng kan van theih tik ah micheu lai mi kan ruah ning kan lungthin put ning cu a hung lang deuh deuh ko. Kan ca tial le kan hmur kaa chuak mi in mizei ban tuk lung thin pu dah kan si kha a langh ter dih ko.Hi ti hin tah chunh u sih law Lairam i myo ne bawlung puai ah cun Hakha nih Hakha kan tanh i Mindat nih min dat kha an tanh ve ko.

Cucu mah le myone cio kha kan tanh a si ko i kha kha thil si ning ding le mah le khua si nak thi sa in a kal mi asi ko. Mah myone kha an i thim than i pyine le Taine an chuih than tik ah cun Mindat he Hakha he Chin pyine kha kan tanh dih than ko. Cu zong cu zei ruang ah dah si kan ti asi ah cun Kan Myone pakua tein Chin pyine minung le thi le sa kan si ruang ah asi ko. Kan lairam kha ai dawh bik le a rumbik a thiam bik kan ti nak asi hrim hrim lo.

Laimi kan si ah cun kan tanh hrim hrim ding kha kan rian a si ko. Atu ah hin kan lai ram zong ah party le politic in tam pi kan um hna.Kan lung thin put le um tu ning kan zoh tik ah kan tanh lo mi party hi cu Ram dang zong nih hei that men hna seh thawng zong hei thla men hna seh ti duh nak lung thin kan ngei i hi hi cu Kan ram hi mah le ram tak tak ah kan ruat lo i kan mah le kan mah zong midang pi ah kan i ruah bia kha a si ko. Kha ban tuk ruah nak kan ngeih a si kan khua kan peng tlang zong ah hawi he ai kom hawi mi le ai daw mi minung kan si khawh lai ka zum lo.

Kan ram hi mi nih van tuk do tim hna sehlaw ral lei ah ai tawm ding lungthin kan ngeih hi cu a poi tak tak asi. Nangmah le kei mah nih kan ram hi kan run ven ding asi ve. Kanram hi kan mah nih kan uk lo nak in cun zei tluk ai rawk zong a poi lo ati mi le Kan ram hi kan mah kan uk lo nak cun fim cawn nak zong zei ah a rak rello mi kha Ralkap uk nak a rak si khah. Kanram pi ICJ nih taza an cuai lai ti thawng van theih i ai lawm mi pawl kha Ralkap uk nak bantuk lungthin ngeimi le mah hngal lo an si. Bangladesh nih cun Kawlram tthat lo nak lawngte a chim ko. Kawlram mi si ttung i Bangladesh pa, Bangladesh nu ruahnak keng mi an si. Bye. David