Salai Van|2020-Vaupi-23||Thinlung a faak in kan miphun hawihna kong ruah ah thinlung mithli a luang ṭheu tawn ko. Kan vawleipi pulrai a simi coronavirus ruang ah awlokchong in um a si lio ah kan unau cheukhat hna cu Myanmar ralkaap le Arakan Army pawl meithalkuan in an nunnak a liam ṭhan hoi ko. April 22 ah The Irrawaddy nih an thanhning in Rakhine State’s Minbya Township ah kan hnu cacawn nikhatni ah khan Myanmar ralkaap (Tatmadaw) pawl le Arakan Army (AA) pawl tukkahnak ruang ah mipi minung kum 30 nu cu kahthah chih a si. A chungkhar hna le midang minung pakua zong hliamh an si tiah an chim.

Myanmar ralkaap pawl le Arakan Army pawl cu Yar Maung Bridge pawng ah an i kaap. Hi pawngkam ah a ummi khua pawl Min, Htaunt Chay, Myit Nar, Ah Wa khuate pawl hna cu faakpi in harnak an peek hna. Htaunt Chay khuami kum 30 a simi nu Myit Nar cu a nunnak a liam. A chungkhar minung pathum zong an hliamh rih hna. Cu lawng silo in Htaunt Chay khuami a dang minung pahnih zong hliamh an si rih tiah an chim.

Min khua zong ah minung pali nih hliam an tuar tiah khuami sin in theih a si. Khuami nih an chim rihmi cu Tatmadaw hna nih Minbya chung ah a ummi Hparpyaw khuate pawng tlang in vanzaunglawng in an kah tiah an chim chih. Nizan he nihin he tukkahnak hi a um peng. Tatmadaw pawl cu Hparpyaw Village tlang in vanzuanglawng (jets) hna in an phomh hna. An meithal le an bomh puah thawng hna cu celhchuak an si loh. Vawlei hi a tlirh in a tlirh dih i tuar khawh ding phun khi a si loh tiah Hparpyaw Village administrator U Mya Tun nih cacawn nihnihni ah khan The Irrawaddy sin ah a chim. Ref: Irrawaddy

Note: Chinworldnewsvening nih thawngpang kan ṭialmi hi kanmah nih kan phuahcawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevaning page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.