Pohma 261 remh duh lo cu Tlangcung miphun Limhang Zawr tertu: 2008 Phunghrampi Pohma 261 ningin Pine Vuanzichuk cu Tamada nih thimh mi asi caah Bahu le Teitu Party hna nih an duh mi poah kha Lukingh in PM cu an thiah hna. Pohma 261 remh ding ah NLD nih Dohtu Party asi lio ah Cozah a tlaih mi USDP sin an rak hal bal. USDP nih an cohlan lo. NLD cozah a tlaih ve tik ah USDP nih Pohma 261 remh ding in an chuah pi ve. NLD nih an hnawn piak ve hna.

Cuticun Pohma 261 hmang in Tlangcung mi cu Lentecelh nak le Capo awn sawh nakin an kan hmang ve ve. Tlangcung miphun kan caah cun NLD le USDP cu Bambok le Mantak cio khi an si cio cio ko. Anna le power an ngeih cio hlan ah remh anduh ko nain Anna le Nawl an ngeih hnu ah Pohma 261 kha tanbo ah hmang in Tlangcung mi Lentecelh nak ah an hmang hna. (Mon Party Associate Secretary Nolia Tam)

Cozah tlaih hnu ah remh duh lo mi le Cozah tlaih lo hnu tu ah remh duh mi Pohma 261 hi Biasiphai nak le phihlik tlang velh nak in an hmang ve ve. Pu Vom le Phete tuanbia cio kha kan hluan cang. Pine ah teinak tambik a hmuhco mi party nih PM thimh nak upadi cu USDP nih an duh ko nain NLD nih an duh lo. Hlutdaw ah tamdeuh cu NLD an si caah Pohma 261 an remh khawh lo nak hi asi bik.

Pohma 261 remh a duh lo tu poah poah cu Tlangcung mi limhang tla Cikcek seh ti aduh mi an si tiah U Phe Tan, ANP Bahu CEC le Mepung Myone Pyithu Kusale nih a ti phah cang hna. Pohma 261 remhcun Phunghrampi nih Covo an kan pe mi asi. Ralkap cu VP a pe hna. Ralkap zong hi Tlangcung mi duh mi Federal an duh ve tham ahcun Pine Uktu Luzik zong an si khawh ve ko. Mipi thimh mi 75% tiang kan um ko.

Ralkap nih PM an ṭuan lai tiah asi khawh lo mi kha Ritdonh ah an hmang hna. An party in pakhat lawng nih Tei nak a hmuh zong ah a mah kha PM pek ding timi mumal kha an fek ter bia asi. Hihi Tlangcung mi hna thlanglamh zawmtaih le zeirello tu asi deuh. Tlangcung mi Tlaihrem le I teltum nak zawr Cikcek seh timi Hmuitinh tu asi deuh. Sai Kyawnyunt, SNLD Secretary-2: USDP le NLD an tuak ning le an hmutinh aa lawh hna lo.

Tlangcung mi nih Pohma 261 kan remh duh ning le Kawl Party hna an remh duh mi aa lawh hna lo. USDP nihcun 25% inkil lung ah bunh in Pohma 261 remh an duh. Tlangcung mi tu nih cun Mipi thimh mi chung in PM cu asi lai caah, Ralkap cu an si khawh lo hrim hrim ti kha asi. Cucu NLD zong nih tuaktan in hlawh an tlin ter duh lo. Dr. Zawmyintmg, NLD – VP: Pohma 261 remh kan duh lo mi cu Ralkal 25% ruang ah asi. AYWDY News Interivew November17. U Thein Tun Oo Ralkap hlun bu Director: Hramhram in biasi an phai mi asi. Ralkap 25% he pehtlaih nak pelte hman a um lo a ti.

Ralkap 25% nih Tlangcung mi kong he pehtlaih mi Sipuazi, Ramkhel le Zatlang nun kong ah bia an elh mi a um bak lo. NLD nih Pohma remh an duh lomi kha Hranhram in bia an kawl tu asi deuh. Pohma 261 kan remh lawng ah Federal Pyidaungsu ah fawi tein kan kal khawh lai. Miphun hna Rualrem Ṭhan nak, PEACE timi kahdeih nak le Dindeih nak, ah kan hlawhtlin lai I Pine Ṭhancho nak zong a lamkip in tampi kan Ṭuan khawh deuh lai. U Phe Tan.

U Thansunaing, Ramkhel Hlathlaitu: Tlangcung mi party nih tambik Teinak an hmuh nak ah PM an thimh khawh lo mi hi Tlangcung mi covo kan chut hna le Federal ah kan lut duh lo tinak asi deuh. Federal Inn ka ah kan lutcang tinak ah Pohma 261 remh ah siseh, Remh lo ah siseh, Tlangcung mi party chung in PM pek kha TEITU kawl party hna an rian ngan bik asi awk asi.

USDP tu nih cun Pohma 261 cu asi khawh chung in remh ding in Biakam nak an ngeih cang. Tlangcung mi Party chung in PM pek ding ah kan hnatlak pi lai tiah U Than Htay nih a ti TEITU an si le silo nih Lairel hlah seh ati. Monwya Aungsin: Tlangcung Party hna rian Ṭuan Ṭi ding in kan sawm mi hna ah hin Pohma 261 remh ding zong aa tel ati. Voi tamtuk hlen cang mi le dehcawh a ton mi Tlangcung mi nih kan zumh khawh ti hna lai maw? ti belte tuaktan lo awk Ṭha ve lo.

November 12, Tlangcung party 48 sin ah sawm nak caa an Ṭial mi chirhchan in Pohma 261 remh ding hi thinphan awk aum lo ti tiang in an chimh ko na tein Phete bang in mi an hleng I an kan dehcawh lengmang caah zumh awk ah kan I har ngai ngai ko Tlangcung party hna kan caah cun? Tlangcung minih kan I ruah chan bikmi cu Mah le pine ah PM kha mah tein I thimh khawh nak Nawlvo le covo kha asi ko. Saya Rung Kaw. hi ka ah video zoh.