Karen Miphun Nih Kawl Ralkap Kan Ram UM Ti Hlah Uh Kan Chuahtak Uh Tiin Minung 6000 Leng Nih Duh Lonak Lam An Zawh

Myanmar News

Karen ram ah Cozah Ralkap nih sualnak ngei lo minung an thah i a sui le a thilri an cuhmi ruangah Kawl Ralkap cu Karen ram ah um hna hlah seh, kan ram in chuak hna seh tiah Minung 6000 Leng nih duh lonak lam an zawh tiah theih a si.

Kawl Ralkap nih kan nuhrin Covo chuh ti lo ding le kan ram in chuak uh, kan kaltak uh kanmah tein Kan um Lai. Atu bantuk thil nan tuahmi hi kan duh lo, Kan lung zong a tling lo. Cucaah Kan chuahtak ko uh tiah lam zawhnak in duh lonak an langhternak ah an aupi.

Atu bantuk Karen nih duh lonak an langhter mi he pehtlai in Myanmar ralkap lei zong nih hi thil hi a si ko tiah an cohlan i ralkap pahnih nih a sui le thilri an chuh i an kah tiah an chim. Ralkap lei in chimrel kho a simi Zaw Min Tun nih mithattu zong kan tlaih cang hna tiah a chim.

Karen nih duh lonak an langhtermi ah an Miphun thuam a simi he lam an zawh i duh lonak an langhter. Kan lung a tling lo, kan chuaktak uh, atu bantuk in nan kan thah bal cang. Atu zong na kan thah ṭhan i hmailei zong ah nan kan thah ṭhan sual lai Kan in ṭih hna kir cang law tiah lampi an au lennak hi a si.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih J Vanduhthar Lahnin ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin

Leave a Reply