Thing, rua hna phungning loin ahnak, Dynamo in nga tlaihnak pawl hna kan hmuh caah khamnak le ralrin peknak voi tampi a zul lomi cu phungning tein a ziizut nan si lai tiah Chin ramkulh, Kanpetlet mipi uknak phu nih August 16 ah an rak thanh. Kanpetlet peng mipi uknak phu nih 2022 January thla ah rak tuahmi pengkip meeting biachahnak in saram phun 8 cu kah le tlaih lo ding tiah biakhiah a si.

Cu bantuk in Kanpetlet peng chungah a ummi tiva hna ah bom puah, pipe zam, riihai sii tukdannak, Dynamo in nga tlaihnak hna tuah lo ding le thing, rua zohkhenhnak hmunhma ṭha tein riikhiah hnuah phungning loin thing ah le chuahnak hna a can lonak hnga a dotdot in nawlpek le tawlrel a si tiah August 16 ah ralrinnak cathanh an rak chuah. Credit: The Chinland Post

Thawngpang dang: Fikfa/Thosi Hna Cu Kan Ralkap He Hawikawm Ah Kan Ruah Hna. By. Mj. Sabu CNA ralbawi a si mi, M. j. Sabu nih cun tihin a chim,”Atu ah hin ka thinlung put ning hi kum 18/20 tluk bantuk in ruahnak ka ngei i, thazaang dernaak zong ka ngei lo. CNA ah hin kum 29 ka ttuannak a si cang, nupi ka ngei i tefa 5, nu 2 le pa 3 ka ngei hna. Ka fa upa cem hi kum 23 a si. Siangin an kau ve lio a si, a ti.

A pehtthan mi cu,” a tu ral kan dohnak ah hin ka tha a tum lo, keinak hmanh in miphundang ka zoh hna ah khin an sam a paar bu in ram le miphun caah rian an ttuan i ral an do hna. Cu hna sin ahcun kei hna cu ka notuk rih, ka thazaang zong keiimahi ning te ka si ko rih, a ti. A chm peh tthan mi cu,”ral kan doh ah hin ruah a sur i cu ruahsur lah ahcun muka kan i eih i tthut a si ko,cu kan thutnak ahcun cerhceet lak bak ah thut a si. Cuti kan thut lio ahcun cangvat nih an kan kai hnawh i an kan seh,cun fikfa nih an kan seh,cu hna cu hawikawm bantuik ah kiani hei ruah ko hna.

Kan ralkap hna hi fikfa nih an kan seiih ah siseh, cangvat nih an kan seh ah siseh, ralhraang nihi a ipehi thiluahmah ini ani kan kah ah siseh, an lung a doing lo, an lung a tthawng chinchin ti m ka hmuh ah hin ka thazaang tampi a tlung chin lengmang. Atu ah hin ralhraang pawl khi hmun 6 hrawngah um hmun an tuah,hi hna hi an tamlo, ka ruahnak ah 100 cung an si ka zumlo. Cun an ral a chiatuk, an kan ttih caah an meithal hi a herhlo ah puah thlawrh bak in an puah, cu ti an puah cu an kan ttih caah an puah khi a si.

Varhlei khi hrawh sisehlaw cu a tu kan raldohnak ah hin tampi an kan chanh ko lai.Hlan kan pupa zong nih sei/paiper he duhherh cu ke bak in an rak kal i an rak zalh ko caah hi kan raldoh lio ah hin cun ke i kal ngam zong hi kan ngamh ve a herh.Var hlei cu hrawk usilaw tampi an kan bawmh ko lai e, a ti. Crd:Tin Duh Thang