Kan ttanh mi te ttanh cio ko usih a phung si ko, midang soisel lo in biachim tu i zuam usih

Chin News

Kawlram milu dihlak 57 million hrawng kan um an ti. Laimi- Chin State chung ah milu 1 million hrawng kan um. Kawlram milu lak ah laimi milu vun tuak ahcun rili pi lak ah tidawr khat bantuk men kan si, kan tlawm taktak. Asinain Laimi phun hi Pathian zangfahnak thawng in Politic ah siseh sport lei siseh, fimthiamcawnnak lei ah siseh Kawlram ah min ngei minthang-laimi mintthat ter tu kan tampi ve cang.

Image may contain: 6 people, people smiling, people standing and indoor

Politic ah Vice President Henry Van Thio Laimi kan um ve. Adang min ngei kan um len rih. Music-Celebrity lei ah Thet Mon Myint, Sung Tin Par le David Lai etc kan ngeih hna. A dang kan chim ti lai lo. One Championship ah Tial Cung Thang laikhal tuzeerh Malaysia ah a phomh ve lai. A dang kan chim ti lai lo.

Image may contain: 2 people, people smiling, people on stage and people standing

Myanmar Idol 2019 zuamnak ah Laimi chung in minung pa 4 an i tel ve. Atu tiang cu Top 6 ah minung pa 3 an kai kho rih. Kawlram mipi an khuaruah ahar. Miphun milu tlawmte chung in Myanmar Idol ah TOP 6 phanh kho lawng hmanh si loin athiam bik le winner asi kho dirhmun ah an kan hmuh cang.

Image may contain: 1 person, concert and night

Laimi kan si, Laimi nih pakhatnak co ding cu kan duh cio lai ka zumh. Falam, Hakha le Mindat tiin media ah soiselnak cu ngol caan asi cang. Nizan ah Benjamin le Esther nih bia an chim nan theih cio lai dah. Lai Media-Facebook soiselnak ruang ah thachia in an umnak asi. Minung an si ve caah facebook an hmuh mi nih an lung a tuai hna. Kawlmi nih an soisel hna ruangah si lo, Laimi pakhat le pakhat kan i soisel ruang ah asi. cucaah biachim-catial hi iral rin taktak aherh. Atu lio ah media nih nan rian cu an thatnak,an thiam nak le an ilomhnak ding lawng nan tial ding si. An chiatnak le an palhnak tial aherh lo.

Image may contain: 1 person, standing and shoes

Mipi nih Kan ttanhmi te ttanh cio ko usih a phung si ko nain midang soisel lo in biachim i zuam usih law kan mah Chin-Laimi pakhat khat nih teinak kan hmuh nak ding thlacam pi cio hna usih. A donghnak-Teinak ahmu mi cung ah kan dihlak lomhpi cio ding si. Top 6 vote pek lio Hakha Esther te dawr ah Chin Idol star pa 3 hmanthlak ka von post than. Credit: Ral Eng Khenglawt

Leave a Reply