American uknak phunghram uar mi caah cun an president nih Bible cauk cungah akut a chuan i biakam nak a tuah dih hnu ah mipi caah ramhruai tu rian a ttuan.Hi nih a sawhduh mi cu `Bible cachung an suallam cawnpiak nak khrihzumh nak nunzia in ka sikawh chung in mipi caah rian ka ttuan la/ rianttuan kei zuam la ti duhnak a suallam´ kan ti kawh.

Kan Chinram caah cun; Salm fungkhat nak he hmanh eitlak lo mi party cu thimfung pek cu chim lo party member si hmanh i timh hi caa reltu nih i thim uh.Tu ni tiangah vuilei pumpi le kawram mipi nih a ttha mi party pakhat a si an ti ah cun. Kan Chinram hi Khrihfa ram sihram seh ti a duh mi caah cun.Hi zawn ah hin Biak nak le ramkhel lei an i peh tleihning le an i dan nak tu thleiden zia thiam i zuam hna u sih.

Laikhal party ttanh mi caah cun soisel nak in kan miphun party kilkamh ei tim mi kan thinlung put le mipi caah rian ttuan piak tu kan si ko la ti i mipi duh nak a sithiam kawhnak ding in khuakhan lairel a thiam lo mi party cu mipi tu nih nan thimfung cheu ding le cheu lo ding cu i khiak uh.Khuapi ummi le khua te lei ummi ramkhel lei an hmuhning ei khat tawn lo.Khua te lei mi an tam deuh khuapi um mi mifim an tam deuh. Hi zawn ah hin party pakhat nih thimfung i fun tawmdih in hmuh kawh nak ding lam le,cun hmailei an lam tuanbia caah biapi ngai in i fimkhur te in an i ralrin a herh.

Cunglei nih cunglei in a ti peng mi party uarmi caah cun, phunghram hnulei in federal kan covo kawlhawl nak ding lamcu tu hnu khun nga zong nih a rang ma si a nak ti a hliah loh. Pittheyi sin ah zei tluk in dah kan Chinram kulh nawl ngei nak um ti a hliahle a cang phunghram sining a chungmuru kan hngal lo ah cun kannu hrinthluak fimnak nih fedelral hi kan miphun caah zeidah a si ti kan hngal kho rih loh ti nak a si kan ti kawh.

Hip nak tangah kan covo kawlhawl kan hau rih ti nak a si. A nang ei dang mi Chinmipi sin aukhuan mi ramkhel le kawlrampi huap hmaiah chimrel mi phunghram aukhuan mi ramkhel chungah cun thim nak ei cuhmi hi anhuam nak MP si a duhtuk lung in maw an i cuh a siloah phunghram kongkau lei ramkhel lei fim nak thil ti kawh nak an ngei tak tak khomaw ti hi piangpai te in mipi nih hrihfiah kawh lungfim caan a cu cang.

(Caattial tu pumpak hmuhning le ruahnak a si)

Caattial tu : Lung Tial Lyan (Chin Broadcasting Network)