Kan Thi Dih Cang Lai Hih, NLD Hi Chinram Ah A Um Ti Lo A Herh Cang

Chin News

Kan thi dih cang lai hih. NLD nih chin mi akan hlen nak cu alang tuk cang!! NLD party asi mi chinmi bia chim ti hlah uh! Kawl pawl thluak nan theih ko bu in maw mah ti hin chin ram ah rian nan ttuan peng lai! Chin mi pei kan si cu. Ral kap uk nak kan duh ti lo.Lungfim buu te in maw na kan thah dih ko lai. NLD hi chin ram ah aum ti lo aherh cang

Chin Baptist Association a simi Biaknak phu hruainak in timhtuah mi ah CNF upa minung 8 zong sawm chih an si. Biaknak phu nih nih an timhtuah mi a si ko nain CNF Upa tel ve ding kong ah Aung San Suu Kyi hruai mi NRPC lei nih tu bantuk in tuahnak nawl an pek duh hna lo hi a si tiah kan theih. Aung San Suu Kyi hruaimi National Reconciliation and Peace Centre (NRPC) lei nih tuahnak nawl an pek hna lo caah Chin State Cozah zong nih zeihmanh an chim ngam ve ti lo, an pi an tihtuk tinak a si ko.

Image result for aung san suu kyi"

Atu mipi thimmi NLD cozah Chin mi chungin Pathian thluachuah kan don mi Vice-president kan neih lio Vuancichoh Khrihfa kan si lio Hluttaw chairman Khrihfa kan si lio cozah le minister tampi khrihfa kan si lio cozah ah kan mah Chinram, Khrihfa ram Mindat khua ah CBC hruai nak in tuah timh mi Chin miphun lungrual nak thancho nak daihnak remnak le pawngkam zohkhenh nak kong caih ding mi conference picu khual tampi phak hnu ah CNF an i tel ti ruang le ramkhel party pawl an i tel ti ruang ah tuah nak nawl pek lo in kirter cu ralkap uk lio Khin Maung Zi chan le vailamtah tungphur chan kan hluan hoi ko ne lo maw?

Hmaikal mi democracy si loin hnu kir mi democracy kan chuah cang ko lo maw ti ruah lo awk a tha lo, federal cu kan hlat chinchin hoi ko cang ti chim khawh a si cang. Atu kan ton mihi Chin miphun nih hnu pil loin kan lungrual nak ah hmang chinchin hna u sih, hmai ah fong u sih, khuaruat tthan u sih, kan kut i sih than hna u sih, thazaang lak nak ah hmang u sih tiah sawm kan duh hna. Aung San Suu Kyi hruai mi NRPC Phu nih CNF/A le Chin Khrihfabu ton biaruahnak nawl an pe duh hna lo, a thah dih cang lai!! Source-Chin party-tlangcung mi. Credit: Saisih Tlangau

Leave a Reply