Kan Pu Tawk Cung Cattialmi Cu Ruah Ciaumau Ahcun A Tha Kho Taktak CNF Kong A Chinmi Lebang Cu A Fian Hleiah Ahman Kho Taktak

Kan Chaw (va) A Umnak Hmun Paohah Kan Lungthin Zong A Um Deuh” Khikhi kan BAIBAL chung bakah a ummi asi.Biaknak lei lawngah a dikmi a rak si ziar lo.Vawlei cung kan khuasak tintuknak nifatin kan nunram zong ahhin a rak dikthlap ve hi ta ka ti.

Tck 1.Kan umnak Krifabu cio ah Cheuhra cheukhat tling tein le hmaan tein a pe zungzalmi hna cu a pe lomi or lungtluan caan lawng ah a pe tawnmi hna nakcun Krifabu zawn an ruat deuh hrimhrim ko. Krifabu chungah Buaibainak le harnak a um tikah an lungthin takin an NGAIH A CHIAT mi hmuh khawh asi tawn. A pe lomi le lungtluan caan lawngah a pe tawnmi hna tu cu Krifabu a Buaibai le harnak ton tikah Krifabu a daw khunpi bang a pe pengmi nakin an HOLH a tam deuh ngaingai tawn ( An lungthli in an diriam ngai hna sehlaw a dawh hna ).Krifabu aa cheu le a rawh zongah a hriktida hmanh a thak lo ding khan.( An Chawva in an i tel ve lemlo hraat cangcun an lungthin zong a papalaak ( Bat ) ko.

Tck 2.Dothlennak caan kan kal cuahmah lio atu kan chanchia ahhin Kan Chin mipi nih Orhlei kuttum ( Right Fist ) bantukin kan i ngeihchunmi Chin National Army le kan duhmi” SELF DETERMINATION ( Kan ram ah kanmah tein lai kan i rel khawhnak POWER’) hmuh tthan nakding caah kan Kaa ( mouth ) bantukin kan hman cuahmahmi Chin National Front hna DIRKAMHNAK ah an siantawk an CHAWVA in aa telmi hna cu CNF/CNA kongah an hna an tun deuh ko.CNF/ CNA an thazaang a zor ding an phaang tuk,Kawl Ralkap bawiziik nih ”ZEIREL LO NGAI IN A CHAWNH HNA” timi thawng an theih hmanhah faak tuk in an NGAIH A CHIA kho. ( An Chawva in an i tel venak BU asi cangcun an lungthin zong 100% a um ning a hmun).

Cucu si loin A kaa lawngin CNF/ CNA cu kan dirkamh ding asi tiah a au ve len ttungmi a chawva tu cu a si khawhtawk hmanh a siang lomi hna tu cu CNF/ CNA an thazaang a der deuh le Kawl Ralkap nih bia in an neek hna zongah an hriktida hmanh a rak thak lo ( An mawh lo An chawva in a i tel ve lonak BU asi cangcun,,an lungthin cu BU ah cun zeitin hen a um taktak khawh hnga mu).

Kaa pahle ( Velhle, kiik lo sa lo lum phutphat ) in BU a ttanhmi nakhna cun,,Piangro in BU a raalkah/ adoh ( Oppose, a kiik lawlaw, a sa lawlawmi )mi hna tu hi UPAT awk tlaak an si lawlaw deuh hnga maw maw aw  ti in kaa nawl tawn.

PPP. (Pu Tawk Cung)

CANADA.