Kan Pu Donald Trump ṬheoṬheo Hi A Si Ko

Thawngpang

Donald Trump nih thongtla angeithiam hna,Democrats thongtla pakhat a lungfim cikcek cang. US President Trump cu phunghrampi nih nawlngeihnak apek bangin tuzarh chungah minung zeimawzat thongthlak mi hna cu ngeithiamnak atuah hna i, phungning tein Trump nih angeih thiammi hna cu thong chungin luatnak an hmu.

US President Donald Trump nih angeihthiam hna chungah hin Illinois Governor tthing term hnih tiang rak thimmi cangmi Demcrats adirkamh taktak mi Rab Blagojevich zong aa tel. Cun Paul Pogure le company tangka ningcang loin ahmangmi Berkin Kerik le New York Police Chief hna etc hna zong an i tel hna.Anmah hi tangka ningcang loin lih le hrawkhrawl in an suaksaam ruangah thong rak thlakmi hna an si.

US Illinois Governo tthing Blagojevich hi democrat minung a si.Amah hi a liamcia kum 2009 Governor rian attuan lio ah ziknawh eihmuarnak ruangah sualpuh tthumthlak rak tuahmi asi.Cuticun kum 2011ah akonglam caihkhan dih a si hnu ah kum 14 chung thongthlak dingin biachahpiak mi asi.I, thongchung ah hin kum 8 chung a um manh.

US President Donald Trump nawlngeihnak in chuah asi hnu ah a umnak inn Chicago i, Ravenwood ah News Conference atuah. Cu lio ahcun Blagojevich nih Trump cungah lawmhnak achim.President Trump cu a thangtthat ngaingai. Atimi cu President Trump hi mi tumruh le tuar in khawhnak angeimi le holh a huam ngaingai mi asi.

Apeh tthan rih mi cu Asinain thinlung ttha taktak angeimi asi i, atuahmi thil hna nih hin phungning a onh lomi thil phungkalh nak hna cu ahmanmi in a sersiam khawh tiah a chim.US President Donald Trump hi harsatnak chumzam vialte atthawl dih tu asi.Lam tthing le zuamcawhnak hna cu sersiam remh dingin a raltthatnak hi thangtthat tlak taktak asi i, i thlennak tuah dingin biatak tein rian attuan cuahmah.

Cucaah minung tampi hna nih khenkham timh in an dohkalh lengmang.President Donald Trump cungah lunglawmh biachim dingmi hi thonghra renglo ka ngei.President Trump cungah hin ka lawmtuk hringhran i atu ahcun ka fanu le hna nih Pa an ngei tthan cang. Ahlan ahcun Democrats ka si i atu ahcun Trumpocrat ka si e tiah Illinois mipi amah a rak thimtu hna sin ah lawmhnak bia a chimh chih hna.

Leave a Reply