Kan Pale Pahnih Chimh An Ngaih Lo Ruangah Thongthlak Le Phaisa Cawiter Tiang An I Huah Lai Hih!

Thawngpang

Rev. Biak Lin Thang le Evan. Thawng Uk taza an cuai hna ti asi.Hi ka hin tling deuh rel khawh a si. Communist ram China nih vawlei pi hi duhdim tein hruai tim hmanh sehlaw caan sau arau lai lo a pur ṭhan zau ko lai. Khrih zumlotu kan timi hna nih Khrihfa ram ai timi hna duh pohin an kan tuah khawh ko cang ṭung. COVID-19 hi vawlei pumpi uk khawhnak dingah China nih lam a sermi asi tiah mifim tampi nih an zumh. EUROPE lei France ram zongah bomhnak a tom tom in pek a timh nain an kham. A bomh hna ahcun China nih ai tinhmi atling sual lai ti an phang. Cheukhat ram cu atu hi China nih a zuanhnawh thluahmah ko hna ti asi. Bomh dingin an um i a bomh khawhmi hna hi China nih ai tinhmi cu asi. Bomh cu atha tuk ko cu teh kan ti men lai, China nih zeibantuk policy dah a ngeih timi hi mifim tampi nih an ṭihmi asi.

Vawleicung pumpi ti awk nih Biakinn kan khar cang. President i thim hmanhah Holy Bible ca a namhmi America pi hmanh nih Biakinn a khar dih cang. Kan Bible a tling chin lengmang, Sahrang le Sehtan nih khrihfa mi hrem le thahnawn caan kan neih pah zuahmah. Communist ram asimi China nih vawlei pumpi khrihfami nan Biakinn khar uh ti kan hau ti loh. Thilsining a fiang tuk ko cang lo hme maw?.

Vawleipi nih a theih hmanh a theih set lomi (Alaar lo tukmi) Chinram hmanhah Biakinn kan khar dih cang. Cu lawng hlah, Pathian thawngtha chim ruangah Chinram ah tlaih le khih tazacuai aum ve cang. China nih a ram chungah Khrihfami Thawngtha ruangah tlaih le khih tazacuai hau ti loin Kanmah le kan umnak ram cio te ah Pathian thawngtha ruangah taza kan i cuai cang. A tawinak in, Hakha COTR khrihfabu Pastor Rev. Biak Lin Thang le Evan.Tawk Uk (Australia) cu La-Wa-Ka nih Covid-19 kong he zulhphung a ser mi phung an buar tiin La-Wa-Ka nih taza a cuai hna tiah theih asi.

Australia ram in Evan. Tawk Uk hi Social Visa in a rak tlung mi a si amah nawl in mi a pumh hna i thawngtha a chim an ti ruangah taza an cuai. Pastor Biak Lin Thang hi Australia ramin arak tlungmi a inn a tlunnak kong La-Wa-Kah akan theihter lo ti ruangah taza an cuai ve.Rev. Biak Lin Thang hi a tlawm bik thla ruk in kum nga thong le tangka in dantat khawh asi. Cun, Evan. Tawk Uk hi a tlawm bik thla ruk in kum nga thong le tangka kyats 1500 dantat khawh a si tiah La-Wa-Ka nih Hakha Post sinah achim.

A cunglei ah ka chim cang bang Pathian bak ai tlaihmi America ram zongah Florida Megachurch i Pastor Rodney an tlaih ve. Titsa minung mi hna lungdongh hnabei dongh hnuah Sertu Pathian cu ai phuang tawn. Cu caan cu zumh ngamnak tak a ngeimi lawng nih an hngah khawh. Caan karlak cu Sehtan pa nih a duh pohin vawlei pi hi atuah ko lai. Pathian nih a caan za cang a ti cun a thil ti khawhnak le ṭhawnnak vialte cu mitṭhep karah an lo dih te ko lai. Communist ram China nih vawlei pi hi duhdim tein hruai tim hmanh sehlaw caan sau arau lai lo a pur ṭhan zau ko lai. Credit: Rual Hei Thang

Leave a Reply