Kan Pa Le CNF/A Sin In Lawmhnak Le Nawlnak
Vawlei cung Chin Khrihfabu kip i upatmi kan pastor, Church Chairman le hruaitu vialte CNF family i zohkhenhnak UCCF ah mission nan rak ttuan mi vialte cung ah CNF member vialte kan rak i lawm. 2019 caah bawmhnak ca kan nin kuat mi hna kha atu bawmhnak a kan kua lio mi zong nan um i, ceihpiak ding a kan timh piak lio mi zong nan um ti kan theih caah kan ni lawm ngai ngai. Kanmah caah a tlai tuk ti a um lo.
Canada, Europe le Asia ram pawl ah cun ceihpiak nawn dih a si cang nain, Australia le USA ah cun church cio ah a ceih chuahmah lio mi kan tam pi rih. Zalawng te in caan rak la rih ko uh law, 2020 January thla dih hlan tu ah hin timh-lamh piak dih kan zuam hram uh tiah kan nin nawl hna. Credit: Daniel Sakhong
Relchih. Tulio USA thawngpang Linsa mi: 1. Iran bawmhmi ralhrang Kata’ib Hezbollah nih Iraq ah um mi America Embassy cu bomh in an kah US ram mi an thi. December 27 2019 ni ah asi. Dec 29 ni ah Mah ralhrang hna cu US nih a kah ve hna 25 an thi.
2. Cu tin America Embassy kaptu hna hnu ah riantuantu hi Iran ralbawi zik Qasem Soleimani timi asi tiah US nih a theih in US Defense Secretary simi Mark Esper nih “the game has changed” tiah a thanh hnu suimilam tlawmpal ah January 3 2020 ah Iran ralbawi le a mawtaw cu US nih drone in an kah i an thah khawh. Iran cozah angaih chia Iran mipi sing 2 leng nih ruak an thlah. Iran nih US cu kan lehrulh lai ati.
3. January 8 2020 ni zing dei ka ah Iran nih Iraq ah um mi US Airbase ralkap umnak hmun 2 cu ballistic missile timi bomb kah i aa thenthek khomi in an kah. US ralkap an thi lo. 4. Iran ah Ukraine Vanlawng a tla. Minung 176 ningin an thi dih. Cu vanlawng chung ah cun Canada rammi lawngte 63 Iran mi 82 Ukraine mi 11 le Sweden mi hna an i tel. Mah hi vanlawng hi Iran khuapi Tehran in ai thawhmi asi.
5. US President Trump impeach tuah dingmi thawngpang a lang kho tuk lo. Ralthawngpang le bomh thawngpang nih mipi lung a lak deuh cang. Senate hna nih Trump impeachment kong an ceih ding nithla cu asi ve cang. Vulei pi daihnak um hram ko seh. Siaherhnak he Salai Biak Lian Sang