Kan Nunphung Kilkamh, Zalong Tein Nun Le Covo Hmuh Na Duh Ahcun Chin Party Hi Vote Pe

Chin News

NLD Vuanci Cheukhat nih An Cohlan lo mi Upadi remhnak NLD Upadi remh ding mi cu Tlangcung mi caah asi lo. Anmah NLD Party le Bahu Larnak Popular caah asi deuh. Federal kalnak ah First Step asi mi Pine Anna tamter deuh nak aum lo. Bahu Anna ngeih nak kha hlan lio nak in a thawn ter deuh. Miphun pakhat le Party pakhat lawng kamlo chuncha bang dirh khawh ding in thazang pek mi upadi hna tu kha remh ding in a tam deuh.

Image result for chin party

Tulio Cozah nih achimh mi le a au pi mi Federal muisam cu A par pavuan lawng in asi. Ti thuk nak lei ah an pilh kho lo. An thlam an kau ter lo. Federal ram a bit ter deuh. A chung lei ah pilh in Biatak tein Federal Kal pi an ti timh lo. A leng lei in Federal Puan an i thuam i a chung lei ah Unitary timi a thawn ngai mi Bahu Anna sin ukphung asi. Mipi Cozah lungthin le thi ah Federal cu aaseh chih lo caah Puanbu le Anki leng lawng in lenglei in Federal le Democracy an i thuam. Aherh tik ah le an duh tik caan poah phuai khawh le hlih khawh si ding ah an tuah hram mi asi.Cu caah kawl uktu le Kawl party kip nih Federal hi an duh ballo kan ti nak cu asi.

Image result for chin party

Tlangcung miphun hna nih Hriamtlai bu in kan hal hna caah Federal kong cu chimhhram an thawk cio khi asi. Democracy dikhtlir hmanh hi aduh lem ti lo. Kawlram he aatlak ning in kan kal pi lai an ti. Tlukruan nak aum lo- Zalonnak hnarcheuh lawng aum mi Miphun milu tamdeuh nih Buanco zungzal mi tbk in a chia kha bik mi Democracy phung in kalpi an kan timhnak cu asi. Tu zong cu lam ahcun an kal cuah mah ko. Tuluk le Vietnam cu communist an si ko nain Confederation le Federal an cohlan. Tcn. Taiwan le Hong Kong-Macau.Vietnam ram hi Tlangcung miphun hi 53 hmunhma le thutdan an pe hna. Bahu he tlukruan tein biachim lairel khawh nak an pe hna. Cozah nawlngeih tu rengsang Vuanci le Party Lutlai kip ah Bahu le Tlangcungmi tlukruan tein Milu zat in hmunhma an pe hna.

Tuluk Tuanphung: Chizaw cu a sen-anak a raang abiapi lo. Zu a tlaih le tlaih lo tu abia pi deuh ti kha an tlaitleng asi. Anram hnih in vawlei pi theih in sipuazi le fimthiam nak ah an thancho in an min a thang. Kan nih kawlram le Mipi Cozah cu Chizaw muisam le pungsan cu thatkhawh chung le aadawh khawh chung in kan aupi. Kan chimh set len ve nain Ngaicim te hmanh a tlaih kho lo. Sapher lawng a fir lengmang ko. A ruangbik cu Miphun pakhat-Biaknak pakhat-Party pakhat-buu pakhat-phu pakhat tbk hna Cung nung nak lartuk nak le popular tuk ruang ah asi. 2020 cu Democracy dikthir mi le Federal Hmuhco na duh i Kan Krifa biaknak zalonnak- Kan nunphung le Caholh zalennak-Ngunsawm tamdeuh piin hmuhconak tbk le a dang dang covo le tinvo hna donkhan tu um lo tein zalong ngaiin hmuhco na duh ahcun Miphun Party vote thlang aw. Laitlai Unau hna. Credit: Saya Rung Kaw 

Leave a Reply