Tuzaan cu kan naupa Tan Khun Kyaw hei um ve rih sehlaw zeitluk in dah lung a nuamh hnga i zoh a dawh hnga mu, a hawile kom zong nih an hlam ve tuk lai tiah ka ruah. Midang cu um rih seh, a fans pawl hrimhrim nih an hlam tuk lai mu. Tuzaan tiang hna in i tel kho sehlaw lung  anuam ngai hnga. A tlakning le a lungtlingmi an um cio fawn lo.

Tutan Myanmar Idol Season 4 i kan naupa Tan Khun Kyaw a tlakning cu a um bal lomi asi ti usihlaw kan palh tuk lem lai lo dah tiah ka ruah. A tlakning bantukin ahohmanh an tla bal rih lo i an um ti lai zong ka zum lo. Cheukhat an hawile dang cu an hlaning tthat lo ruangah deuh an tla hna. Asinain Tan Khun Kyaw Top 8 aizuam lio kha zoh hmanh ulaw Judges an biachimning le Tan Khun Kyaw an uar tuk ning kha mu theih khawh asi. Asinain ruah lo tuk atla i a poi ngai. A tlaknak kong he petlaiin a tanglei ah rel khawh asi.

Ngaihchia taktak si ko. Atu tiangah a konglam a dong kho rih lomi Tan Khun Kyaw Myanmar Idol a tlaknak a ruang cu Myanmar Idol tawlreltu he an karlak buainak a um ruangah atu bantukin an thlaknak si,”tiah a tanglei Video tawi kan chiah nih fiang ngaiin a langhter.

Tan Khun Kyaw hi Cycle (Bike) in accdent a tongmi si ruangah laam le cawlcangh ti bantuk pawl a tuah khawh lonak kong cu a chim. Sinain nai a tlak zarh i, Country hla an sak ding mi an cawn lio ah Myanmar Idol Manager nih cu bantuk na tuah khawh lo dingin asi ahcun Myanmar Idol zuamnak hmun in na chuah hau ko,”tiah Tan Khun Kyaw cu a ti.

Mah ruangah Tan Khun Kyaw hi vote zong tampi a ngeimi sinain Myanmar Idol manager he an karlak buaibainak a um ruangah atu bantukin a hramhram in an tlakternak cu si. Mah ruangah mipi lei nih theithiam hna seh ti an duh ruangah Esther Dawt Chin Sung le Aye Mya Phyu cu a niambik tthutnak Bottom 3 i an tthutnak asi,”tiah chim le ceih si.

Nangtah Tan Khun Kyaw le Myanmar Idol tawlreltu karlak buainak asi tiin an chim mi hi zeitin na ruah? Myanmar Idol hi dik lomi sumdawnnak chiahru asi maw? Na ruahnak le hmuh ning van langhter ve. Cun, a cunglei langhter mi Tan Khun Kyaw le Myanmar Idol manager karlak buainak ruangah a tlakmi hi na zum maw? Video ah fiang tein ngaih khawh si.

https://youtu.be/oy2as_5FV1I

Video-Credit: Chin Net