Myanmar Idol Season 4 zuamnak ah Top 7 tiang a phan khomi hlasakthiam awttha Benjamin Sum cu hringtu a nu nih alang le par lawngin zoh le thazaang pek cu a lung si ti lo caah a fapa thazaang pek dingin Yangon a phan cang tiah thawng kan theih. Lawmh a um kho taktak Benjamin Sum hringtu a nu zong dam le lawm tein Yangon khualipi a phan kho.

Benjamin Sum hringtu a nu Lal Din Par hi zohchun awk tlak taktak asi. A fapa Benjamin Sum caah nutling taktak dirhmun ah dirmi asi. A pasal nih mual a liam tak hnuah pasal ngeih cawlh loin a fapa caah zumh awk tlak tein le nutling taktak dirhmun ah dirmi asi. A fapa Benjamin Sum zong nih hringtu a nu dawtnak cu philh loin tutan Myanmar Idol Season 4 Top 11 zuamnak ah hringtu a caah ” Kanu na dam maw? timi hla ttha taktak a sakpiak ve.

Benjamin Sum hringtu a nu hi hlasakthiam taktak pakhat asi. Pathian thangtthatnak hla a lengmang mi asi. Atutiang a sa kho rih. Tuni ah a fapa tlawng dingin le thazaang pek dingin Yangon lei panh in a kal lioah hlasakthiam Van Duh Thang, Billy Sang le Malsawm Thang hna nih Kalaymyo Airport tiang an rak thlah ve. Benjamin Sum thazaang pe cio rih ko hna usih!

Cun tuni hi Benjamin Sum chuahni (Birthday) asi. A chuahni dam le lawm tein a phan kho i lawmhpi cio hna usih! A kum belte cu theih asi lo. Nain a mui le sam ahcun ngakchiate cu a si ko lai. A fans pawl caah miraang hla dawh taktak in a sakmi hi rak ngai ve. God Bless You Ben Ben and Happy Birthday