Malaysia In a Ruak an Rak tlungpi mi nungak Sui Hlei Ṭial ( Kum -21) Thantlang Nawlngeitu bawi hna le Covid-19 Committe nih Oct.4 zan ah Khuachung Luhpi Sanh Loin Ramlak ah an Vuiter Hna. Kawlram Chung Khualhring tlang Mino Bu ( KMB) nih nan Ngaihchiatnak kan in hrawmpi hna i mahbantuk Tuahsernak hi Nuhrin Covo buar a si pin ah Khrihfa Biaknak phung zeirel lo a si tiin kan hmuh.

Nungak Sui Hlei Tial hi Khualhring tlang, Tlangte khuami Thantlang khuapi ah a ummi an si i Malaysia ah riantuan ah a ummi a si. Malaysia a umnak inn T’aih-inn pi dot sangnak in a tlak i a nunnak a liam. Laitlang a Nu le Pa sin ah a ruak tlunpi an duh caah Malaysia cozah le Kawlram cozah theihpi nak tein Covid-19 zawtnak in a thimi a si lo timi theihpi nak ca an tialpiakmi hna he kawlram tlunpi nak nawl an pek hna.

 

Cu ticun Malay in Yangon ah an van luhpi i Yangon Sizung bawi theihpinak te in Laitlang ah an van tlungpi a umnak khua Thantlang khuachung luh lainak Laipawnglung Covid-19 runvennak Gate ah luh an sanh ti hna lo. Chungkhat sahlawh nih an nawl len hna nain Thantlang peng uktu le Covid-19 committe nih an onh hna lo caah khuachung luhpi loin Ramlak ah JCB in thlankhur an cawhter i cu kaa cun an vuiter hna.

 

A chungkhat sahlawh minung pa 4 nih a ruakkuang cu an put i an va phum hnu ah a ruakkuang putu minung pa 4 zong cu Quarentine an chiah cawlh than hna. Hihi khua nu khuapa le Biaknak phu nih ngandamnak ministry nih ruakvuinak zulhphung a chuahmi an thei lo ma si. Democracy hman an thiam lo dah asi hnga tihi ruah lo awk a tha lo. Tutan an tuahsernak nih a langhtermi cu:

1. Nu hrin covo buar bak a si

2. Khrihfa mi nih kan ngeihmi kan nunphung le kan biaknak phunglam zeirel ah an rel lo asi.

3. Laimi nih kan ngeihmi kan zatlang nunphung zei ah a kan relpiak lo asi.

Khrihfa hmun ah mah ti thil can cu a mak ko. zumlotu umnak hmun hmanh ah hitin thil a cang lo. Kan khrihfa le kan Miphun nih zatlang phunglam kan ngeihmi hi kan dirkamh ngam hrimhrim a hau. Sifak mirum thleidan lo tein kan kalpi bak a herh tuk ti a lang. Ngaihchiatnak a tonmi chungkhar Bawipa nih in hnem ko hna seh. Nan ngaihchiatnak kan in hrawmpi hna. Central Khualhring tlang Mino Bu

“Tihnak nih mi nun a himter thluh lo, Dawtnak le zawnruahnak tu nih mi nun sullam a neih ter ”

share