Kan Nau Nu Esther Dawt Chin Sung A Celh Hrim Carson Hall Chung Bakah A Tap Ko-Video

Music and Videos

Tuchun Hakha khuanu khuapa khuakhan lairelnak in 2019 Mynmar Idol Season 4 zuamnak ah Winner a ngahtu kan farnu Esther Dawt Chin Sung cu hlunghlai taktakin an don. An sunhlawih kho taktak. Ruah lo lengin mipi an tam. Atu hi Hakha cu a kik tuk lio a si i tuni a kih lawng hmanh si loin khua dawm i ruah a sur pah.

Image may contain: 2 people, people smiling, people standing and outdoor

 

Lam in mipi nih ngakchia le tar tiang nih an rak hngah tthiptthap i an rak don. An tam kho taktak lam vialte an khat dih. Lam in mitampi nih an hngah i Carson Hall ah hall khat in mipi nih an rak hngah i nuam ngaiin caan an rak hmang ve hna. Kan lai hlasakthiam tampi nih an talpi hna i hlasaknak in caan an hmang.

Image may contain: 1 person

Carson Hall ah caan hmannak an ngei i kan farnu Esther Dawt Chin Sung cu a celh bak lo lawmhnak mitthli a luang. Lung a hmui khunnak pakhat cu kan farnu Esther Dawt Chin Sung cu kan miphun thuam Lai thuam te bak i thuam in mipi hmaiah a langh. Security nih ttha tein an cawngh i nuam taktak in caan an hmang hna.

Image may contain: 14 people, people standing, crowd and outdoor

Esther Dawt Chin Sung nih nizaan Kalaymyo i an donnak ah a chimmi ” Ka sianginn kaimi hi Economic Final Year a si i ka kai kho lo i ka din. Tukum hi ka nu le ka pa ka chungle khat nih an ka duhpiak ning ahhin cun ka nu zong hi a lehphiatmi a si i sianginn hi ttha tein kai sehlaw rian pakhatkhat ttuan seh tihi ka pa nih a ka duhpiak ngaimi le ka chungle zong nih saduh an ka thahpiakmi a si.

Image may contain: 1 person

Asina belte in ka ngakchia tein Pathian sinah ka pekmi le Pathian nih ka pekmi (Gift) ka cungah a um tikah hin hlasak hi ka thim peng ka chungle an ka duhpiakmi le a dang keimah nih Myanmar Idol a hramthawk tein Audition kan rak luh hlan in ka dang ka dang an rak tuah ahhin zuam ka rak duh nain ahohmanh ka chim ngam hna lo.

Image may contain: 3 people, people smiling, people on stage, concert and text

Thla ka rak cam peng, Pathian nih lam na ka onhpiak ahcun hi Myanmar Idol hi i zuam ka duh ko. Yangon ahhin ka ni le sinah ka um i Final ka si tikah ca a tamtuk i a sawng ah a ummi ka si i a sawng ah ka um tikah hin zingka ah ka tho Exercise ka tuah ka thinlung hei i zuam ve ninglaw tiah keimah le keimah biahal tampi a rak um.

Myanmar Idol Season-4 Winner Esther Dawt Chin Sung Hakha a phan

Posted by The Hakha Post on Sunday, 5 January 2020

Leave a Reply