Esther Dawt Chin Sung a rak men bak lo hi teh. A lungput hrimhrim a ttha tuk i Pathian a bochan taktak ti a lang. Tuchun ah Kalaymyo kawlrawn ah ummi Chinmi hna nih Carson Baptist Church ah hlunghlai taktakin an rak don i tluang tein caan an hmang kho hna. Cu ka caan an hmannak ah Esther Dawt Chin Sung nih a lunglawmhnak bia a chimmi a tarlei ah kan rak chiah.

A chimmi cu ” ka ngakchia liote ah kawlrampi huapin (vah hla) ka rak izuamnak ah Pathian nih teinak a ka pek. Keimah ka fim tuk ruangah le ka thiam tuk ruangah a si lo. Cun 2017 ah Chin Idol ka rak i zuam i Pathian nih teinak a ka pek tthan. Khualei leng tete hlasak ka kal pah tawn i ka sianginn kaimi zong ka dih kho lo.

Ka sianginn kaimi hi Economic Final Year a si i ka kai kho lo i ka din. Tukum hi ka nu le ka pa ka chungle khat nih an ka duhpiak ning ahhin cun ka nu zong hi a lehphiatmi a si i sianginn hi ttha tein kai sehlaw rian pakhatkhat ttuan seh tihi ka pa nih a ka duhpiak ngaimi le ka chungle zong nih saduh an ka thahpiakmi a si.

Asina belte in ka ngakchia tein Pathian sinah ka pekmi le Pathian nih ka pekmi (Gift) ka cungah a um tikah hin hlasak hi ka thim peng ka chungle an ka duhpiakmi le a dang keimah nih Myanmar Idol a hramthawk tein Audition kan rak luh hlan in ka dang ka dang an rak tuah ahhin zuam ka rak duh nain ahohmanh ka chim ngam hna lo. Thla ka rak cam peng, Pathian nih lam na ka onhpiak ahcun hi Myanmar Idol hi i zuam ka duh ko. Yangon ahhin ka ni le sinah ka um i Final ka si tikah ca a tamtuk i a sawng ah a ummi ka si i a sawng ah ka um tikah hin zingka ah ka tho Exercise ka tuah ka thinlung hei i zuam ve ninglaw tiah keimah le keimah biahal tampi a rak um.

Ka zuam tikah Pathian nih teinak zong a ka pek. Ka sianginn zong Pathian nih teinak a ka pek i a tuhla January 19 ahhin boihla ding ka si i Pathian min ka thangtthat. Laimi Phun Chin miphun hna nan thlacamnak thawngin le nangmah thazaang peknak thawngin Lai miphun pumpi nih Winner kan ngahmi ti a si, tiah Esther Dawt Chin Sung nih a chim.

Note: Hihi Live an thlahnak ah a chimmi a si i kan ttial sualmi a um sual ahcun nan kan ngaihthiamnak le theihthiamnak kan in nawl duh hna. A video zong kan rak chiah chih i tlingtein le fiang tein ttha deuh tein zoh khawh i ngaih khawh asi. Kan farnu Esther Dawt Chin Sung hi nu men lo taktak a rak i Pathian a bochan taktakmi a si. Kan lawmhpi tuk ve.