Kan Lai Patthawng Rung Lian Ceu Nih Paih Kongah A Dirhmun Fiang Tein A Chim Cang!

Chin News

Kan Lai Patthawng Rung Lian Ceu Nih Paih Kongah A Dirhmun Fiang Tein A Chim Cang!

Kan lai patthawng simi World Champions Rung Lian Ceu cu Nagaland ah tuah mi aa paih dih hnu ah dam tein New Delhi khuapi a rak phan tthan cang tiah theih a si. Ngaland paih ah pathumnak a kan hmuhpiak tu Rung Lian Ceu cu paih kongah siseh cun Tial Cung Thang aa tthuatnak MMA kong he pehtlai in amah nih a dirhmun fiang tein a chim cang.

A chim mi cu atu ahcun zeihmanh ka ruah mi um ti lo, Cun paih zong hi ka din rih chung lai i, Atu lio ka tinh bikmi cu ka sianginn kainak lawng hi ka ruah mi a si cang. Cu ruangah hi hnu ahcun paih cu ka tim rih lo, Sianginn kainak lei tu ah biatak deuh in thazaang ka pek cang lai. Sianginn kai ka dih hnu lawngah a herh cun ka pai tthan te lai.

Tial Cung Thang aa tthuatnak MMA lei ah luh aa tim pah ve timi kongah a chim tthan mi cu a cung lei langhter cang bantuk in atu ahcun zeihmanh ka timh mi a um rih lo, Atu ah pakhatnak bik ah ka chiah mi cu ka sianginn kainak lawnglawng hi a si. Tlamtling tein sianginn kai lawng hi ka ruah mi a si cang. Cucaah atu cu sianginn ka kai rih lai caah paih le a dang lentecelhnak ti bantuk lei cu ka din rih lai,tiah a chim.

Image result for rung lian ceu

Rung Lian Ceu hi thaizing cu Delhi ah a cam rih lai i, mah a cam chungah Delhi Hakha/Thantlang mino hna nih pakhat le pakhat hawikomhnak an ngeih pi lai tiah theih a si fawn. Cun cacawn nithumni zaanlei ah Delhi in an umnak US lei ah a thawh tthan lai,”tiah theih a si.

Leave a Reply