Kan Lai Patthawng Rung Lian Ceu Biachim Cu A Ropui Ko: Kan Laimi chungin nihin ni tiangah teitu a ngei rih lomi Lai patthawng Rung Lian Ceu biachim cu uar um pinah a biafang hmanmi hrim a pasal taktak. Kan lai patthawng dang pawl zong nih Rung Lian Ceu hi an dirawnh ngamte hnga maw?

Tutan ah laipa tthawng le atu tiangah voikhat hmanh tei khawh rih lomi Rung Lian Ceu nih a timi cu, 2019 hi dih zok cang seh. 2020 cun paih bual chungah kan Lai pathawng pawl hi i cil hna uh si #Laipaih,“tiah ralttha taktak in a chim tthan cang.

Kan Lai patthawng hna chungin Rung Lian Ceu a dirawnh ngam ding hna cu, Uk Ling Thang, Sang Hlei Thang le Denmark patthawng Tha Cung Lian hna hi an sinain anmah pathum zong hi a tei cang mi hna an si tikah ho nih dah Rung Lian Ceu hi a tlaih ngam kun lai?

Relchih: Myanmar Idol Nawlngeitu Nih Mipi Sinah Thanhnak An Tuah Cang. Myanmar Idol Season 4 zuamnak cu December ni 28 a donghnak bik Grand Final cu tuah si i, Chin Nungak Esther Dawt Chin Sung nih 2019 Myanmar Ido Season 4 Winner cu a hmuh. Benjamin Sum le Aye Mya Phyu tu cu Runner Up an si i, cu tin cun Myanmar Idol cu tluang tein an dih.

A cunglei kong he pehtlaiin Kawl Media tampi nih thawngpang dik lo tukin mipi sinah thanhnak an tuah cio ve. Esther Dawt Chin Sung nak in Aye Mya Phyu nih vote tam deuh a hmuh ko nain Aye Mya Phyu hi winner pek aa remcaan lo ruangah rak kan ngaithiam u,”tiah Myanmar Idol tawlreltu Ma Mee nih a chim tiah” Kawl Media tampi nih an ttial.

Hi kongah tthenkhat nih an duh ve lo i, Aye Mya Phyu nan ttanhtuk ruangah nan duh duh paoh in cattial hlah u, tiah comment an pek ve. Cun, a cheukhat nih Aye Mya Phyu hi winner kan pek asi ahcun siangiin kai lio a si tikah tili chungah lungtum thlak bantuk asi sual lai,”tiin an ttial ve. Cun, Myanmar Idol hi vote in an kal lo, Ma Mee nih a duh mi sinah a pek tiin Myanmar Idol hmanthlak cu an tar chih.

Hi kong cu Myanmar Idol nawlngeitu hna nih thawng dik lo asi zia an theih tikah kanmah nawl peknak um loin kan hmanthlak hmangin thawngpang dik lo a thanhmi hna hi kan ngaithiam kho hna lo, cucaah phungning tein kan kalpi lai i taza kan cuai hna lai. tiin thanhnak an tuah colh ve. Atu tiangah thawng dik lo Media thlahtu cheukhat min zong lak le a dang zong hlathlainak tuah an si,”tiah nawlngeitu nih an chim.