Nikhat chung i a sung lawi bik caan cu Pathian sin thla kan cam caan hi a si. Zeicatiah a kan daw bik cem mi he kan i chawnh biak lio caan a si caah.Phun dang cun Krih chung i kan nun lio caan a si. Thuk deuh in chim rih ahcun thing le lung in sakmi pumhnak inn siloin Krih chung i kan nun hi Amah biakinn chung kan luh taktak cu a si.

CCOC hla ah “fing le tlang vialte hi Biakinn si hna seh law” an ti maw. Krih chungah kan nun ahcun kan rian tuannak kan thutdir nak hmun fing le tlang vialte hi Biakinn an si ko. Khuaika hmun poah ah Amah he hoikomh khawhnak ding caah Thlarau a kan pek.

Baibal nih “Krih chung ( In Christ ) i nan nunnak ahkhan a zungzal in i lawm ko u” a ti. Pumhnak inn kan panh i kan i lawmh mi nakin, thawh lawm kan pek i kan i lawmh mi nak in, kan ziazia that mi cungah kan i lawmh mi nak in, Kan hlawh tlin mi cungah kan i lawmh mi nakin Krih chung kan nunnak ah kan i lawmh hi a sung lawi deuh. Tu lio ral kan ngeih lio caan ahcun Paul bantukin nunzia thiam hi kan herh khun ko rua. Kan mah caah a herh i khar ko mi va hlam lennak cun

Zei Lam Dah Kan Zulh Cio? Mi vialte hi lamkau (Baibal hmanning), lamhlun, lamthing ah hrinmi kan si. Pathian vel kan co hnu ah lambi (Baibal hmanning), lamthar ah kan lut hna. Pathian rian tuannak ah lampawk (shortcut) hi ai tel lo. Cawn piaktu nih dawtnak timi hi minung duhnak tuah piak, a duh ningte lawngin chim, bia tha tha tamh muai in mi lung tlinter ding lawng a chim i a ngaitu zong nih cu bantuk rumro ah thazang lak ai timh ahcun Lampawk a si.

Paul nih“kei cu lamthar a zulmi ka si” a ti hna. Galati 2:20 ah Lamkau a zulmi keimah cu a thi cang. Ka chung i a nungmi Krih hi a si a ti. Lamthar zulh timi cu Krih chung i nun, Krihfa nun kan timi zong hi Krih Chung i Nun kha a si. Krih chung i a nungmi cu thatnak ka tuah lai, kai zuam lai tinak in thatnak tuah duhnak, i zuam duhnak lohthei lo nun kha Krih nih a pek i a tuahmi tu kha a si deuh. A tawi bik in chim ahcun “Lamthar zulh cu “keimah” timi phorhlaw lungput Pathian nih a huat bik mi a thih bak in zulh hram ai thawk.

Note: Ka catial mi tete hi Mizo holh in request a tam caah Laica cu ka ngol rih lai i ka tialcia mi tu hi caan ka ngeih ahcun Mizo in ka post than te lai

Credit: Dr. Pari