Kan Hna-ek Hi Kan Cawih Awk A Si Maw?

Theihtlei

Kan Hna-ek Hi Kan Cawih Awk A Si Maw?

Image result for ENT specialist

Mi zei paoh hna-ek kan ngeih cio. Hna-ek ah hin chiti tlawmpal le antibiotic action a ngeimi thil tlawmpal aa tel chih.Hna-ek hi kan hna a khenkhamtu dakaw a si. Vawlei dip pawl le rungrul fa tete cheukhat kha hna-ek nih a kham hna caah kan hna a chunglei pi tiang an phanh lo nak a si. Cun bacteria le fungus pawl zong an than nak hnga lo hna-ek nih a kham hna.Hna-ek kan cawih tikah mah leidip le rungrul cheukhat kha kan hna a chung lei pi tiang an lut kho hnga.

Cawih hau lo,a mah te in a chuak ding in Pathian nih a rak ser ciami system a um ko. A caan ah kan hna chung in a mah te in a chuak mi kan ton bal ko lai dah.

Image result for ENT specialist

Hna-ek kan cawih tik ah a cheu cu a chuak i a cheu kha a chunglei deuh ah an phan.Fawi te in an chuak kho ti lo i hnakua a pit ter. Mi cheu cu thiang tuk in a cawihmi kan um.Cu tik ah, a khamtu a um ti lo caah leidip te te le rungrul fa te te kha an lut.Kan hna a chunglei cu a nem tukmi a si caah leidip te te an luh tikah a thak. A thak caah hna-ek kan cawih.

Image result for ENT specialist

Hna-ek kan cawih i a thakmi a diriam caah cawih peng kan duh cang. Kan cawih deuh deuh, kan hna a chunglei a rawk deuh deuh a si i hna chung ah hnai a um tbk, hna a fak tbk a hung cang. Hnai a um, a phing tbk hna nih a hnu bik ah hnachet tiang a siter kho caah hna-ek kan cawih tawn mi hi i ralring deuh hna u si. Kan kut hniarte in kan cawih mi te hmanh kha i ralring hna u si.

Ref: Good Health Journal, No. 442

Leave a Reply