Chinmi lawng hmanh si loin, kawlrammi (kawl miphun) zong nih an uar tukmi le an duh tukmi Myanmar Idol Season 4 winner a simi kan farnu Esther Dawt Chin Sung nih atu hi hlathar shooting a tuah cuahmah lio a si. A hla thar chuah lai a ho cio paoh kan i ngaih tuk cio.

Naite ah a facebook page ah zeimawzat an cawlcanghnak video tawitete a rak langhtermi kan hmuh cio lai tiah ka ruah. Kan ingaih tuk cio, zeitik ah dah a chuah lai ti kan hngak lulh cio. Atu naite ah a faceobok page ah thawngthar a rak tarlangh ṭhan. Cucu a hla thar chuaknak kong he pehtlai in a si i, tawi fiannak in kawlca a ṭialmi Laica in kan rak lehchin ṭhan.

A chimmi cu,”Hello, nan dihlak in zaanlei ṭha (Good evening). Thawngpang ṭha tuk chim le thanh kan duh hna. Hiti ka chim tikah lau tuk duh hlah uh atu cu a taktak si cang. Ahmasabik ah chim hmasat ka duhmi cu,lungsau tein ka hla a rak ka hngah piakmi hwikom nan dih lak cungah lunglawmhnak tampi ka ngei.

“Thawngpang ṭha a simi cu, thaizing myanmar caan suimilam 7:00Pm ah JOOX, Official FB Page, Official Youtube channel le a dangdang in ka hla kan von thlah cang lai. Naite ah ka hla “Unseen”timi hla kan tuahnak kan cawlcanghnak tete zeimawzat kan rak langhter cang. Thaizing myanmar caan suimilam 7:00Pm ah ah kan rak thlah cang lai. Rian kai dinh kar zong a si i lungsi hnangam tein le dai in kan feel khawhnak hnga caah tiin,”tiah Esther nih a tarlangh.

Kan farnu Esther Dawt Chin Sung nih a chimning bangin a fans pawl caah thawngpang ṭha taktak a rak tuah taktak. A fans tampi kan ngaih tukmi le zeitik ah dah a chuah te lai ti kan ingaih tukmi a hla thar ‘Unseen’ cu amah ning a chim ning bangin a rak thlah taktak cang. A zohtu le like, share an tam kho taktak.

A hlasakmi hrimhrim ngaih a nuam i amah hrimhrim zong a thiam kho tuk. A aw ngaih a nuam chin lengmang. A hlathar zong a rak chuak ṭhan lengmang lai. A hlathar a rak thlahmi cu amah pumpak page ah ah a tarlangh i a tangleiah video in kan rak chiah i ngaih khawh zong a si i amah pumpak page zongah zoh khawh ṭhiamṭhiam a si. VIDEO

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih J Vanduhthar Lahnin ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin