Kan Far Nu Kongah Salai Lungthli Tum Zong Aisum Kho Hrim Lo A Chimmi Hmaan Kho Taktak:Mizaw kan farnu cu mithat lainawng bang media ngan deuh zong nih siizung a luhnak tiang kan dawi i zapi sin kan tar cu zoh ai dawh lo tuk hringhran, minung pakhat nunnak tluk in a biapimi privacy zeirel lo a si.

Hibantuk ningcang lo media tuahsernak nih mah le mah i thahnak(suicide) tiang a chuahpi tawn timi kan i fian a herh. Media ethics kong ah sayakyi a tuan tawn i kanmah pawl heh tiah a kan soisel tawntu The Chinland Post zong nih tutan an thiltuahmi cu an zoh than awk a si, midang cawnpiak le seminar tuah lawng an thiam awk a si ti lo.

Hakha Covid-19 mizaw update: Kum 18 lawng a si rihmi kan farnu hi Tuluk ram in a kirmi a si. April 5 ah Kalay in Tangzalat motor a rak i cit i Hakha a phan, a phakni ah Tiphul khua ah a lanh beh. Tiphul ah April 5 in April 16 tiang a um, April 16 lawng ah Hakha zohkhenhnak ah an chiah hi a si.

Zarhhnih deng cu Tiphul khua ah a um tinak a si. April 5 ah Kalay in Hakha lei a ra vemi a hawile, Tiphul a umnak chungkhar le a khuami cheukhat zong a chawnh khawhmi dirhmun ah an um. Tiphul a um chung ah khua dang a vak bal maw timi zong a biapi ngai. Salai Lungthli Tum