By-Salai Biak||USA ram Kansas City tiva ah a pam mi Rebecca Van Sui Par (Kum 11) cu nihin ah khan an hmuh cang tiah thawng theih asi. Anih hi Zarhte Ni ah khan tiva ah a pam hi a si. Chungkhar he tiva an kalnak ah Bawlung tiva chung char dingin a kal ah tihrah nih a dawp i an chanh khawh ti lo hi asi tiah Kansas city lei thawng zamh Fox4KC nih a tial.

Van Sui Par hi Kansas city um Lutuv Khrihfabu chungkhar asi. Anih hi hlasak a thiam mi minote asi. Khrihfabu le chungkhar sahlawh nih an tlaihchanmi nute asi. Mah tihin ruah lo tuk in a kan kaltak caah hin USA um mi Lautu mi hna dihlak kan ngaih a chia hringhran ko. Tan taakmi chungkhar hna Bawipa Pathian nih rak hnem hram ko hna seh.

Fox4 nih a thihning cu hitihin a tarlangh.

Kan fanu Rebecca Van Sui Par, kum 11 cu August 22 zaanlei 3:33pm ah ti ah a pam mi a ruaktu Kansas City Palek Sakhan biachimtu nih, “Tiva kam ah an i lenhmi bawlung kha tihrah a tthawnnak zawn ah a tla. Van Sui Par nih lak a timh lio ah ti nih a fanh,” tiah a chim. “Upa pakhat le tleirawl 2 nih chanh dingin an zuanh nain anmah lehlam chanh hau dirhmun an phan ve.

Ngakchia felte a si. Hlasak zong a huam ngai mi a si hla zong record aa tuah cang. A si nain tu bantuk an kan liam tak tikah a hla zong kan chuah ngam ti lai lo tiah Pastor Dawt Uk, Van Sui Par cousin nih cun a chim.

Hniang 22, 2020 (Saturday) zaanlei suimilam 3:33PM hrawng ah khan kum (11) lawng a si rihmi Ngakchia nute pakhat cu a chungkhar he tiva ah an tlon len lio ah tiva chung ah a tla sual tiah Wyandotte Daily nih a tarlangh.

Wyandotte Daily nih ” Ngakchia nute hi a chungkhar he Kansas River pawng i an i dai lio ah a tu bantuk in ti ah a tlak sual hi a si” tiah a tarlangh. A tu tiang a ruak an hmu kho rih lo, an kawl cuahmah lio asi.

Ti ah a kan pam tak mi ngakchia nute hi Thantlang peng, Hnaring khuami Pu Bawi Tin le Pi Sui Ci hna i an fanu a si” tiah US um mi sin in kan theih. Hi kong he pehtlai in Kansas City Police Department i ttuanvo ngeitu nih ” Ngakchia nute hi Tiva kam ah bawlung an i celh i ruah lo pi in an bawlung cu Tiva chung ah a tla. Cu ahcun ngakchia nute nih Bawlung char a va timh ah Tiva chung ah a mah zong a pil hi a si tiah a chim.

Chungkhar khuami lungre a thei, ngaih a chia tuk hringhran ko. Kan fanu dawt, ngakchia duhnung te nih tu bantuk vanchiatnak a ton cu a poi tuk hringhran. Chungkhar caah thlacam bawm hna usih, Pathian nih an ngaihchiat nak hnem hram hna seh!