Kan Duh Mi Cozah A Kai Hnu Ah Refugee Si Peng Hi A Herh Ti Maw?

Chin News

𝗞𝗮𝗻 𝗱𝘂𝗵 𝗯𝗶𝗸𝗺𝗶 𝗖𝗼𝘇𝗮𝗵 𝗮 𝗸𝗮𝗶 𝗵𝗻𝘂 𝗮𝗵 𝗥𝗲𝗳𝘂𝗴𝗲𝗲 𝘀𝗶 𝗽𝗲𝗻𝗴 𝗵𝗶 𝗮 𝗽𝗵𝘂𝗻𝗴 𝘀𝗶 𝗺𝗮𝘄? Rakhine ram ah Rakhine Party nih Kawl Party a tei. Shan ram ah Shan Party nih a tei bak ve. Cun Kaya le Mon ram ah hmunhma pali-nga hrawng ah teinak an hmuh ve. Cozah cu an dirh kho lo nain Kawlmiphun hruaimi Kawl Party an zumh lonak kha Election ah an langhter i Hlutdaw ah an miphun aiawhtu MP pawl an kai kho ve. An MP pawl nih an miphun caah Hlutdaw ah Meithal hman loin ral an do ve lai.

Bawi Hlei Hu: UNHCR Nih Chin Ralzam Card Thar A Pek Tthan Hna Lai – Chin World News Evening

𝙉𝙖𝙞𝙣 𝘾𝙝𝙞𝙣 𝙧𝙖𝙢 𝙖𝙝 𝙘𝙪𝙣: 1. Chinmi nih kan duhmi le kan herhmi covo a kan pe ding Party tiin kan zumh bikmi NLD kan thim cang. Atu an kai cang. Refugee kan si kan i ti rih hi a dik ko maw? 2. Chinmi nih kan duhmi Federal a kan pe ding Party tiah kan zumhmi NLD kan thim cang. Kan duhbikmi uktu a kai cang. Kan zumh bikmi Party nih a kan uk cang. Refugee ka si kan ti hi a felmi dirhmun a si maw? 3. 2008 Phunghrampi a remh lai. cun a remh kho bak fawn lai tiin kan zumhmi NLD kan thim cang. Anmah kai in an kaimi a si lo. Chinmi nih kan vote i Chinram ah 93% in teinak a hmuh cang. Cu hnu ah Refugee ka si rih ko ti cu hrawkhrol a si lo maw?

4. Na ti dingmi cu “Phunghrampi a remh kho rih lo” na ti lai. Vawlei cung khoika ram hmanh ah Phunghrampi remh hau loin a ttha cang timi a um lo. Parliament hi Phunghram a remhtu ding le upadi sertu buu an si i an ram nih a ngeihmi Phungrampi cu kum fatin an remh peng ve. US hmanh nih a remh rih thiamthiam. Hmai lei zong ah an remh ko lai. 5. Kan duhbakmi Cozah a kai hnu zong ah Refugee ka si hei ti peng hi cu hrawkhrol taktak-Corruption a si.

Kei cu Kawl Party ka zum lo. An thawndeuh zong ah ka zum kho hna lo. Cozah an dirh khawh zong ah Chinmi nih kan sunghmi kan covo ngah than ding in cun ka zum kho hna lo. Chin Party pawl lawng ka zumh hna. Vote hmuh hi Teinak a si lo. Teinak cu Miphun covo hmuh ding in riantuan hi a si. Cattialtu: Suisui Bawitinsui

Leave a Reply