Kan Buaipi Mi A Niam Tuak, Dr. Thla Awr Bawihrin Nih A Aupi Mi Chinism Tu Hi Kan Buaipi Deuh Ding A Si

Chin News

Kan Buaipi mi a niam tuk e

Image result for hakha

Lai pasaltha,nusaltha hna, kan mit tha deuh in au cang hna u sih. Facebook cahmai pawl kau tikah kan buaipi mi a niam zia hi a lang tuk e. Celh ding a si lo. Lam le lam lo kong te hna hi cu Buaipi caan a si ti lo. Buaipi phu a si ko hmanh ah a caan a si rih lo. Bu khat le khat ah hmuh thiam lo nak a chuahtertu, Nationalism, Chinism a dawntu a si.Kan Hawi Arakan pawl khi zoh hna u sih. Fedaral kong țuktak ahcun an cil an dolh ti lo ti a si. Confederation a si lo ah, Independent country lawlaw bak lak an i tim cang.

Laimi Doctor pipi le upa pipi, Ramthumnak um mifim pipi le, Ramhnihnak, Ramkhatnak um kan bo chanmi pipi zong hi kan buaipimi a niam tuk hringhran caah mino pawl bang cu nationalism a ngeimi a ho hmanh an um ti lo. A tu lio ah a herh bik mi cu Doctor Thla Awr nih a aupi mi Chinism hi a si. Kan Facebook cahmai vialte hi Chinism deuh in kan khahter awk a si.

Nupițhit puai, mithla kong, thilfir kong, tlaihhrem kong, cafang kawp le țhen kong, accident kong hei ti, cu hmanh ah Lairam, Kawlram accident kong cu aa ning, Vai ramNepal ram hrawng i min theih lo khua hrawng i a cang mi kong hei ti, lam kong hei ti țuktak in kan Media kan khah ter chung paoh le hi luklak rel le like kan uar ci a si peng ko ahcun Laimi cu miphun dang kutchu pek awk men peng kan si ko lai.

Tlangcung hriamtlai pawl le hruaitu pawl bia an chim ah khin țha tein ngai tuah uh, Chin timi biafang an chim nan hngal lai lo. Chim awk ah an rel ti lo. Arakan pa nih tahchunhnak a lak zong ah Kachin, Shan tibantuk lawng a chim, Shan pa, Kachin pa nih tahchunhnak bia a chim tikah Chin zei tik hmanh ah an la bal lo. An hmur in chin timi Biafang chuah hrim khi limhang a tla ti a ruat mi an lo cang.

A tam deuh hi cu a molhmi kan tamtuk ruangah Kawl cozah nih cun Chin hi a kan țih bik ti te hna in kan vaa cua tawn, nihchuak kan si. Ek hmanh ah an kan rel lo. Chinism Biatak tein kan kalpi lo ahcun Kawl hmai ah chim hlah, kan unau tlang cungmi pawl lak hmanh ah ningzak kan si cang lai.

Chinism hi kalpi hna u sih. Uar hna u sih. Buaipi hna usih. Facebook ah khat seh. Chinism a kalpitu hruaitu lawng aur hna u sih. Dr. Thla awr bantuk khi CBC USA caah GS țuan peng ding ah a tlakmi an si.

Credit: Siang Bawi

 

Leave a Reply