Kalay Thonginn In Luatnak A Hmu Mi Minung 100 Leng Ah Ramkhel Thongtla An I Tel Lo.

Myanmar News

Kalay Thonginn In Luatnak A Hmu Mi Minung 100 Leng Ah Ramkhel Thongtla An I Tel Lo. Myanmar ram zalonnak a hmuh, kum 76 tlin camtuak January 4 ah SAC nih thongtla minung 9,000 leng luatnak an pekmi hna chung ah Sagaing ramṭhen Kalay thonginn in thongtla minung 100 leng luatnak an hmu ve nain ramkhel thongtla pakhat hmanh an i tel lo, tiah theih a si.

Kalay thonginn ah hin ramkhel thongtla 800 leng an um i nizan January 4 ah luatnak a hmu mi thongtla minung 52 le nu 54 lakah ramkhel thongtla pakhat hmanh an i tel lonak kong cu Kalay thonginn he naihniam in a ummi pa pakhat nih a chim.

Kalay thonginn in a luatmi hna hi fir le mi inn luhhnawh in thong a tla mi deuh lawngte an si i cheukhat cu caan a tlin cang caah a chuakmi an sinak kong le Kalay thonginn ah hin ramkhel thongtla nu pawl nih 2023 December thla chung ah duhlonak an rak langhternak kong zong a chim.

A luancia kum 2022 lio zong ah Kalay thonginn ah sikvelhnak a rak chuak i SAC ralkap nih ramkhel thongtla minung 7 zong an rak thah cang hna. Ref: The Chin Post

Leave a Reply