Kalaymyo Tahan sang 10 ah a ummi kum 10 nute cu a pa ei i a hawipa nih a tlaihhrem tiah theih a si. Kum 10 nute a tlaihhremtu pa cu November 11 ni ah Kalaymo palik nih an tlaih cang tiah thawng kan theih chih fawn.

Kum 50 upa nukhat cu fahnih a ngeih hnuah a pasal he an i ṭhen i naite ah kum 30 hrawng upa pakhat he an i um ṭhan. Tahan no. 10 sang ah an um. A pasal i a hawipa kum 28 hrawng pa pakhat cu zu din pah in a leng i a va riak ṭheo tawn hna.

Nikhat cu an nu inn tang i rawl a chumh lioah a fanu ngakchia deuh nu nih hringtu a nu cu ka u a ṭap tiah a hei chimh. Asinain, a nu cu a rawl chumh ai lak lawh tuk caah zei a hei ti loh. A hnuah inn cung cu ahung kai i a fa nute taklawng in a ṭah cuahmah ko cuh a hmuh. Thil sining a hal len nain a fa nute cu zeihmanh chim loin a um.

A hnu pi ah ngakchia nute nih a u nute cu tlaihhrem a tong nu cu tiah a auh. Cu ti a u nu tlaihhrem tong nu ti a auh thawng cu a nu nih a theih. A fa nute cu a nu nih thil sining an hun hal tikah a nu nute tlaihhrem a tonnak kong cu a nu a chim dih. A nu nih cu thawng a theih cang ka tein a pasal hawipa a si ruangah palik sinah a report ngam colh loh.

A pasal nih a ṭhen lai ti a phan ruangah zeitindah palik sinah report ka tuah lai ti zong a thei lo. Thinphang lungawṭawm in a um. Tangka zong a ngeih lo caah le a pasal lungtlinpinak loin report ka tuah kho lo tiah Dingdi Nu Phu sinah a chim.

Cuticun, Dingdi nu phu hna buaipinak le bawmhnak in a fa nute tlaihhrem kong cu palik sinah report an tuah i a hniang nute zong nih thil sining a hmuhmi le a theihmi vialte palik sinah cipciar tein a chimh dih ve hna. Kum tlinglo a tlaihhremtu pa cu a zaan palik nih an tlaih cang i Biaceih zung ah chuahpi a si lai Dingdi Nu Phu sinin kan theih. Chirhchan: Vapual Auaw

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin