Hiti chim ah cun zumh a har ngaimi thil pakhat asi ve. Minthang cheukhat hmanh nih ton an duhmi US President. Donald Trump cu US ah aummi  Kachin Pastor Dr. Rev Hkalam Samson nih Inn rang (White House) pi ah a ton khawh. A pasal ngamsam mi men lo taktak asi.

Dr. Rev Hkalam Samson nih a chimmi cu “kawl ralkap nih tlang cung mi duh paoh in a kan hrem, Khrihfa zumhtu kan caah a him lo. Tlangcung hriamtlai phu le kawl ralkap zong i doh peng asi, an i doh cuahmah.  Cucaah Democracy le mah tein i uk (federal) taktak kan hmu khawhnak ding ah kan bawmh hram ko. Mipi kan tuar zing hi kan zoh-ka hmuhpiak law nan bawmhnak kan herh” tiah inn rangpi (white house) chungah US President. Donald Trump cu bawmhnak a hal.

Hihi kawlram tlangcung Miphun caah tthathnemnak a um hrimhrim lai i, Chin miphun aiawhtu zong a tiah ka ruah. Pa ropui taktak asi ko. Tlangcung miphun dawtnak nganpi le zawnruahnak a ngei ti a fiang ngaingai. Biatak tein tlangcung miphun tuar innak kong vialte a chim dih.  Atanglei ah video kan chiah i zoh chih khawh asi.