“Ka u, ṭap ti hlah law, na pawngah ka um zungzal lai ee” tiin a mitthli hnawh piakin a hnemh

Thawngpang

China ah ngakchia kum 7 mi Zhao Wenjin nih a u Zhao Wenhui kum (11) nu dam lomi a zohkhenh lio hmanthlak cu Online ah an taarpiak hna i mipi thinlung a lak ngaingai. Mi tampi nih ngakchia te asinain a cawlcanghning cu upat awk tlak taktak a si tiah an ti len. Zhao Wenjing ṭa far hna hi nulepa ngei lo ngakṭah an si i an unau pahnih tein khuasa ṭimi an si.

An pa cu South China leiah rianṭuan dingin nihinni tiang a tlung ti lo. A nupi le fale zong zawnruahnak a ngei loin a konglam theih loin a tlau. Cuticun pa bik nih a tlau hna tikah an fanu rual cu harsa ngaiin khua an sa hna. Cu ti harsa ngaiin khua an sak lioah an nu nih a konglam theih ding um loin, a tlau ṭhan ve.

Chungkhat sahlawh rualchan bawmhnak in Zhao Wenhui kum (11) le a naupa Zhao Wenjing kum (7) cu an nung dam kho. Ngakṭah dirhmun ah an dir tikah midang zong an kawm ngam hna lo i, anmah unau pahnih te lawng cun an i kom tawn. A u nu Zhao Wenhui cu ahlante in mi ngandam lo a tikah a ngamdam a hung ṭha lo ngaingai i Operation tuah ding dirhmun tiangah a dir.

Nikhat cu Zhao Wenjing a nu Zhao Wenhui cu ruah lo piin inkhun cungin a tla i a lu fak ngaiin aikhawng. Mi ngandam lo ci a si tikah atu dirhmun in a dirhmun a hung zual ngai i thi lo nung loin a um. Pawngkammi hna bawmhnak thawngin sizung ah an tlikpi colh i vanṭhat ah a lung hung fim ṭhan. Sizungah Zhao Wenhui cu hringtu a nulepa ngaiin a ṭap peng i a u tuarnak cu theithiam piak in a naupa Zhao Wenjing nih a u nu cu,“Ka u, ṭap ti hlah law, na pawngah ka um zungzal lai ee,” tiin a mitthli a hnawh piak i a u nu cu a hnemh.

Atu bantukin a u nu Zhao Wenhui nih a nulepa ngaiin a ṭah lioah a naupa kum (7) minung te nih ,“Ka u, ṭap ti hlah law, na pawngah ka um zungzal lai ee,” tiin a hnemh le a mitthli a hnawh piakmi cu mi tampi nih an hmuh tikah a hmutu mipi thinlung a kekkuai dih. Charhchan: Meifar

Leave a Reply