Ka tih bik mi le Laimi kan sining. Tu lio LaiTlang CDM ah zung riantuan mi le Police rian chiah in  CDM ah alut mi hna khi Ramdang hmun dang kaakip in Bawmh nak tampi an tuah mi asi. 1. An mah le thlahlawh cio in thlakhat maw ? Thla zeizat tiang an pek kho hna lai maw?

2. CDM ah lut sawm riangmang in Ramdang lei bawmhnak kanpek hna lo ah cun chungkhar caah mangtam asi. 3. Laimi cu Ei hmur kanthiam tuk. Ramdang bawmh nak hi Cozah rian tuan le Police CDM alut mi hna sin aphan thlu lai ka zumh lo hrimhrim. Laimi cu Khrihfa kan in ti i’ Khrih li kan pu ton ai…Khrih nun zia keng loin Ei hmur nak mui Sam kan keng ai.. cu caah din fel tein riantuan hi kan hriamnam tha si zungzal seh. Cattialtu: Mang Lian Fambawl

Relchih: Ramchung Mino hna, nan tei hrim hrim lai. Thil kal ning a hman tuk. Kum 125 chung miphun dang nih an kan pem/uknak chung in Chin miphun zalawnnak/ freedoms sulu pi a tlunpitu nan si lai. Chin miphun tuanbia a ttialtu nan si lai. Cucaah. CDM ahkhan rak ipaih viar ko u! India Cozah nih Kawl Ralkap a bawm naisai lai lo.

“Police a zaammi rak kan kua tthan u” an timi zong an kua naisai hna lai lo. Mizoram Cozah zong nih kanmah/ Chin Mino bawmh dingin ready an si. Chin State chung ah Ralkap a ummi zong CDM ah itel sawm hna u! A cheu cu itel an duh lai ka zumh. “Kan ral nan si lo. Mipi a vengtu, a dawtu nan si. Mipi caah nunnak a pemi nan si. Nan cung lei minung, Aung Min Hlaing pakhat Bawi ttuannak caah nan nunnak pek ding cu nan pam tuk, ti hna u. Facebook an hman ahcun Facebook zong in ca kua ve hna u.

Kawlram chung zong ah CDM an karh cuahmah ko. Police le Ralkap chung zong in CDM a tuahmi an karh tuk cang. Kan sungh cang tiah an von theih pah hnu ahcun Min Aung Hliang hi a ral bawi lila chung in CDM an tuah tak te lai. Nan tha chia hrim hrim hlah seh! Teinak ni a ra lio cuahmah ko hi! By Zasang Cinzah