Kawl ralkap nih Ana a ting hrimhrim lai maw? Atu lio cu Kawlram politics a buai taktak. Cu tikah mipi an lung a buai ngaingai. Ralkap nih hin nawlneihnak-ana an la sual lai maw? timi ka hmuh ning tlawmpal ka vun langhter ve lai.

1. Zeiruangah Election a dih le cang ka in AA tapung he kah dinhnak an tuah?
2. Zeiruangah Kachin ram lamlei kal in lungrualnak lam a tuahpi?
3. Zeiruangah Wuirahtu (Mahbahtah Phungki hruaitu ) amah tein a rak surrender hnga?
4. Zeiruangah Bulethlashwe ( Ex. MP) amah tein a rak surrender tthan ve?
5. Zeiruangah Ralkap pawl nih election kongah Vote kong an buaipi colh? An rian a si lo.

A cunglei bia nih hin lungthin a nuamhter hrim lo. Kalung a hrinter ngaingai. Zeiruang ti ahcun Wuirahtu le Bulethlashwe le bang hna hi cu anmah hi buaipi ngaimi le ttihnung ngaimi ah ruah an si i an case le kum 20 tiang thongtlak khaawhnak a si fawn. Kumkhat leng a liam hnu ah anmah tein an rak kir tthan ngam? Ralkap he in biathlithup an ngei hna si sual hnga maw? timi ka ruat tawn.

2020 Election ah USDP nih MP an ngah mi tlawmtuk ruangah an forhtuk hna zong a si sual maw? Atu bantuk in kawlram Politics a kal peng ahcun USDP Party hi a tlau dih colh lai timi an hmuh chungruang hna ah si hnga maw? A si lo ah Pi Aungsan Suh Kyi nih Tlangcung Miphun pawl caah Federal lam hawizawng in zalonnak tamtuk a pek sual hna lai timi an phan hna a si kho maw?

Thanshwe nih a fial hna teh a si kho maw? January ni 29 i Pitawngsuhtazatucichuk biachim lairel mi nih tampi a ttum lai timi ka ruat. Note: Mah hi keimah tein atu lio thlihran ning hoih in ka ttial chinmi a si. Nang teh zeitin na hmuh ve?? Pu Kap Ṭhio