Admin|01 Biangreithlep 5-2020|| Tuzan thawng ka theihmi nih ka thinlung a ka suk tuk! Kan naunu i a chungkhar le chungkhat, amah he naihniam in a umtimi le aa chawnbiami vialte Hakha College ah Facility Quarantine in chiah dih an si.Tiphul khua in – 23, Hakha um – 25, an diklak 42 an si (30.4.2020) tiang theih tawk.

Innchungkhar aa khatmi cu khaan khat ah an chiah hna, midang cu khaan khat pahnih, pathum, cun pakhat in an chiahmi hna zong an um. Cu-cu-eih in rawl an tom i nikhat ah voi hnih, cun zing ah lakphak an pek hna. Nain an rawl-tom a hmet deuh caah mitam deuh cu an paw an i khimh bak lo an ti.

Cun, ngakchia deuh le tar deuh zong an um caah tisa le ti-lum din an duh zong ah tisa a um lo pin ah a sonak le hrai zong a um lo. Zunput le zuninn an hrawmter hna hlei ah kuttawlnak chapiat zong an chiahpiak hna lo, timi thawng ka theih cu ka thinlung a ka suk tuk hringhran.

Facility Quarantine an chiahmi hna hi anmah ca lawng siloin pawngkam ummi le mizapi himnak le runvennak caah a si ko. Tlamtlingte in tuahpiak ding an si. Rawl i khimh lo tiang, tisa din duh zong i din awk um lo tiang cu, a si awk a si lo. Tuanvo ngeitu hna nih faak deuh in an kan ruahpiak a herh ko. Source: Van Tin Lian