Ka Team Bantukin Team Dang Ka Hmu Ti Hna Lo-Klopp

Sport

Ka Team Bantukin Team Dang Ka Hmu Ti Hna Lo-Klopp

Nizan ah UEFA Champions League final-ah Liverpool an champion hnu in Reds manager Jurgen Klopp nih a timi cu hi zan hi kan professional career vialte lakah a sunglawi bik le a ropui bik zan a si”tiin a chim.

Klopp nih a chim rihmi cu kan professional career vialte lakah a sunglawi bik le a ropui bik zan a si i, ka team bantuk team dang ka hmu rih hna lo, a ruang cu a hramthawk in a dongh tiang ttha tein an chuih kho.

Timhtuahnak caan zarhthum lawng kan ngei i, mah chungah kan si khawh chung in training kan ngei. Ka nau le zong anmah le mah dirhmun ah an tlamtling dih, Cun Alisson zong nih tampi save a ngei i, mah nih khan an kan bomhchanh fawn,”tiin BT Sport sinah a chim.

Kolpp hi Champions League-ah voithum tiang final a lut i, mah chungah nizan lawng hlawhtlinnak a hmuh hi si.

Liverpool zong nizan title an lak hnu ah Champions League a voiruknak an lak si i, mah an lakmi hi kum 2005 hnu in a voikhat an laknak zong si. Cun English team lakah Champions League title la tambik zong an si. Anmah chang ah Manchester Unidet an si i, United hi voithum an lak ve.

Leave a Reply