Kan Sian lotuk mi, ka Pa Kung: Kan i bochan tuk mi le akan daw cemtu kapa kung aw, na celh hrim tiloh mu, na Kan Liamtaak ruangmang cang ai ee, Maw ka thin Kan i lung sakkho loh ee, na aw thlam te kha zeitik tiang maw, Kan hnathlam ah acaam lai,thazaang der i kan um caanah, akan hnemtu le thazaang thawnnaak akan petu na si tawn mu,

Ka Pa Kung Aw, na thawngpang cu ka zaanmang khi va sisehlaw, kava duh hringhran dah mu, Bawipa khuaKhaan cumu, minung nih Kan theikho loh ee, zeiti awk tha loh mu, na thawngphai Kan dai lai loh ee,na Chungkhar nafa le rual na Unau sahlawh rualChan nih zeican tiang maw, nazuun Kan tuar lai.

Rak kal Chung ne law, van kut Kaa-in Kan dongte law, mangtha tuk mu, Kan in sianghrim loh ee, na rauthla tal in,Kan tlawngtawn mu. Ka Pa Kung Aw

Note: Suikhin Tial Hlawnching nih a pa Kung (Ceu Kung) sian lonak a ṭialmi a si. Taantaakmi chungkhar Bawipa nih an ngaihchiatnak chungin hnem hram ko hna seh! Kan in tuarpi tuk ve hna.

Ceu Kung a thinak konglam he pehtlaiin an ṭialmi. Ngaihchiatnak Thawngthanhnak: Upatmi CEBC chungtel le miphun hawi hna, Pathian khuakhan hi voitampi cu theih a har hringhran ko. Tutan zong Indianapolis khua um Chin Evangelical Baptist Church kan chungtel a simi Pu Ceu Kung (69), Thangzang khuami, nih ruahlo tuk in Nilini zing (03/05/2020) ah mual an kan liamtaak caah kan ngaih a chia ko.

Zarhpi zaan (03/01/2020) sang pumhnak a dih ah a lungmit in a tlu (amah tein a lungmih ai theih caah thlalangawng kam ah a it). St. Francis siizung ah an tliikpi colh nain a stroke (cerebral stroke ti a si i thluak lei a kalmi thi a khal) hi a rantuk caah surgery kan tuah hnga maw an ti dungdang kar ah chanh awk ṭha ti loin ruahchannak a dih ee an kan ti. Cu hnu ah oxygen in zaan hnih an riahter hnu ah Nithum zaan in an phoih piak i cuti te cun 03/05/2020, Nili zing 10:20AM hrawng ah a tu bantukin an kan liamtaak hi a si.

A taantaakmi a innchung Pi Ṭin Ṭin (CEBC Women Department Chairman), a fapa le pahnih a simi Pu Za He Lian (a nupi Roda Biak Ṭha Chin) le Salai Van Mang Thawng hna caah thlacamnak in rak thei ding in kan in sawm hna. Khrihfabu min in zaan hnih kan topi hna lai i Zarhteni ah vui a si te lai. Topinak le ruak vui ni le caan hna cu a tanglei bantukin a si lai. Zunngaihpar kong ah siseh, a dangdang kong ah pehtlaih nan duh ahcun a tanglei min hna hi pehtlaih khawh an si lai.