Ka Naupa Patrick Brown Elishama ka celh lo.

Chin News

Ka Naupa Patrick Brown Elishama ka celh lo. Ralram ah Meithal he kan lam, ka U na ra kho i kaalawm tuk na ti kha atu cu tuanbia a si ko cang mu. Pasaltha na biakam na tlinh Miphun caah na thisen le nunnak in na rian na lim. Na Kawipa NG Lian he nan i tong lai mu. Nan nu a tuar har lai ka ruah ah ka celh li. RIP pasaltha. By Salai Cung Dawt

May be an image of 2 people

Nunu: Hakha ah duh lonak langhternak ah ral ṭha tein a dir ngammi na rak si i palik pawl nih tlaih dingin an rak in kawl. Salai Ngun Sang Aung he ram lakah humhimnak ding nan rak kawl. Na umkalnak na ei din caah tiin phaisa tlawmpal te kan rak kuat. Mah ahkhan kan rak i hngalh hram thawk a si. Kan nih nih cun fang hnih thum kan pek kan ti ah nang nih na nunnak bak na rak thap ai. Na hmai khah a si lo ning cu ti.

Ral dohnak hmun kip ah nai tel, na ral a ṭha, na bia chim pawl ngaih ah mi pasal bak na si. Nang hoi hna cu a nunnak a liam zau lai ding khi kan ruat lo. Cutluk cun kan bochan i kan zohthla. Awikhat zaan ah khan ruah lo tukin a liam cia kum 2, suimilam 3 AM hrawngah na ka call i “Nunu chonh awk na ṭha maw? Kan li a leng tuk e.

Tuzaan cu kan i kap i a tu hi cu kan i dinh lio a si. Ka hawile zong nih chonh an in duh ve” na rak ka ti. Mah na chim lio ah tiva luan thawng tete le tha reng onh thawng tete kha ka hna thlam ah an cuang ṭhan. Na hawile nih Nunuuuu tiin an au lio aw thlam hna zong kha a thar ṭhan ai.

Nai te ah na dawtmi he nan i ṭhit um, ngaihnak zuun hmanh a ṭian rih lai lo. Duhdim te hmanh in caan hman rih lo. Mah i na liam tak ko hi. Na sia a rem hrim lai lo. Salai Elisma, Ka hawi, kaa zumh kho bak lo e. Aa naang aa dang tuk ai. Va kal ko ne tiin men dingah siang na va um lo ve. Lairam ka tlun tikah hmuh ton ding na um ti ne lai lo mu.

Leave a Reply