Ka nau hi zu a ding lo, kuak a zu lo nain mah tluk in velh a tawn cu ka celh lo A haa (kiakmi) cu a kheu ṭhan kho ti lai lo

Chin News

Aibur tlangvaal nih Leipi khuami Aa Kha fak tuk in an velh. Zeiruang set ah dah an velh timi bel theih a si lo. Thil sining a theihmi nih an chimning ahcun, Aibur tlangvaal nih vuak nan ngamh maw kan vua hna lai? An ti hna i Aa Kha nih vuak hmangmi kan si lo tiin a leh hna i a hnuah anmah nih an zuan hnawh tiah kan theih.

Image may contain: 2 people, shoes and outdoor

Saya Ling Din nih cun hitihin a langhter,“Tlangval hna cu mah ka cu an va um i ka nau motor cung a tum bakin an zuan hnawh a dang khual pawl zong an velh chih hna. Ka nau pa cu thlanglei a rak zam i an va dawi i an va velh. A hawile nihcun a zam kho i a luat tiah an va ruat i an rak velh len cu an rak hmuh lo. Cuti an velh hna lio ah Fanthen lei phone an chawnh hna i Fanthen mi an rak phak in motorcycle in an zam hna,” tiah a taar.

Image may contain: 5 people, people sitting and outdoor

An velhnak a hliamhma hi a fak ngaingai ti a si. A hliamhma kong Saya Ling Din nih hitihin a taar,“Ka nau hi zu a ding lo, kuak a zu lo nain mah tluk in velh a tawn cu ka celh lo. A haa (2) a kiak i (1) ai hnin rih i a fek than te hnga maw? A takvun cu ţhitţhan khawh asi i a hmape zong a lo kho. Asinain a haa cu a kheu than kho ti lai lo,” tiah a taar.

Image may contain: 3 people, people sitting and indoor

An vuakning cu hitihin a si;

By Saya Ling Din||Kan nau pa (Aa Kha) velh a tawng||Nizan (September 4, 2020) niah ka nau pa cu Hnaring in Himual jeep in Hakha lei an i thawh. Sentung le Tisen B kar Palang va ah an hmai kalmi an hawipa ti aa kholh lio ah an hngak i motor chungah an thu ko. Culio ah tlangval pakua an rak phan i na ngamh maw kan i vua lai tiah an rak ti len. Kanmah cu cubantuk vuak hmangmi kan si lo tiah a va leh hna. Mah hnu cun an ithawh than i Tisen B pawngah an motor cu a rawk.

Mah lio ah Hakha lei in a rami motor a rak phan i motor thilri lak dingah Hnaring lei a kalmi motor cu a zulh hna. An kal i Sentung lampial an phak ah motor cuangmi hna zun zun dingin an dir. Mah lampial ahcun kuak le tuktak an zuarnak a um rua. Tlangval hna cu mah ka cu an va um i ka nau motor cung a tum bakin an zuan hnawh a dang khual pawl zong an velh chih hna. Ka nau pa cu thlanglei a rak zam i an va dawi i an va velh. A hawile nihcun a zam kho i a luat tiah an va ruat i an rak velh len cu an rak hmuh lo. Cuti an velh hna lio ah Fanthen lei phone an chawnh hna i Fanthen mi an rak phak in motorcycle in an zam hna.

Zingka an kalti mi an hawi an chawnh hna i Aibur an phak in an rak hngak hna i cu tlangval hna cu bia an hal i Leitak kan si tiah an rak hlen. Pakhatpa te angki ah thi ai neh caah a zum hna lo i Aibur khua upa hna a au hna i bawmh a hal hna tikah Aibur tlangval lawngte an rak si. (Tlangval hna min ka theih lo caah Aibur khuami ka ti hi asi i Aibur khuami dihlak ti duhnak asi lo)

Ka nau pa cu Hnaring siizungah aa thlawp lio asi. A haa pahnih a kiak i a cal a kawi. FB hawile hna thlacam kan bawm ve u. Chirhchan: Saya Ling Din

Leave a Reply